سوال : رسول اللہ صلی اللہ علیہ وسلم کا فرمان ہے :
تسحروا فإن فى السحور بركة [صحيح: صحيح بخاري، الصوم 30 باب بركة السحور من غيرإيجاب 20 رقم 1923 بروايت أنس بن مالك رضي الله عنه، صحيح مسلم، الصيام13 باب فضل السحور وتاكيد استحبابه …… 9 رقم 45، 1095]
’’ سحری کھاؤ، اس لئے کہ سحر ی میں برکت ہے “۔
اس حدیث میں ’’ سحری میں برکت “ سے کیا مراد ہے ؟
جواب : ’’ سحری میں برکت “ سے مراد شرعی اور بدنی دونوں طرح کی برکتیں ہیں۔ شرعی برکت میں سے رسول اللہ صلی اللہ علیہ وسلم کے حکم کی بجا آوری اور آپ کی پیروی کرنا ہے۔ اور بدنی برکت میں سے بدن کو غذا پہنچانا اور اس کو صوم کے لئے قوت دینا ہے۔
’’ شیخ ابن عثیمین۔ رحمہ اللہ۔ “