وعن ابي الدرداء رضى الله عنه قال: قال رسول الله صلى الله عليه وآله وسلم: ‏‏‏‏ما من شيء فى الميزان اثقل من حسن الخلق ‏‏‏‏ اخرجه ابو داود والترمذي وصححه.
” ابوالدرداء رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا : ترازو میں کوئی چیز خلق اچھا ہونے سے زیادہ بھاری نہیں ہے۔ “ اسے ابوداؤد اور ترمذی نے روایت کیا ہے اور ترمذی نے اسے صحیح کہا ہے۔
تخریج :
صحيح [بلوغ المرام 1318] ، [ ابوداؤد 4799] ، [ احمد 446/6، 448] ترمذی نے یہ الفاظ زیادہ کیے ہیں :
وان صاحب حسن الخلق ليبلغ به درجة صاحب الصوم والصلاة
” اور اچھے خلق والا شخص اس کے ذریعے روزے اور نماز والے شخص کے درجے کو پہنچ جاتا ہے۔“ [ترمذي/ البروالصلة ماجاء فى حسن الخلق]
مکمل تخریج و تصحیح کے لیے سلسلہ صحیحہ [876]
حسن خلق کے متعلق اس سے پہلے کئی احادیث میں تفصیل گزر چکی ہے۔