تفسیر السعدی (عبدالرحمٰن السعدی) — سورۃ ق (50) — آیت 7

﴿ وَ ﴾ ”اور“ طرف ﴿ الْاَرْضَ مَدَدْنٰهَا﴾ ”زمین کی“ دیکھیں کہ کیسے ﴿مَدَدْنَہَا﴾ ”ہم نے اسے کشادہ بنایا ہے؟“ حتیٰ کہ ہر حیوان کے لیے سکون و قرار اور اس کے تمام مصالح اور استعداد کو ممکن بنایا، اور اس پر پہاڑوں کا بوجھ رکھ دیا کہ وہ نہ ہلے اور ٹھہری رہے ﴿ وَاَنْۢـبَتْنَا فِیْهَا مِنْ كُ٘لِّ زَوْجٍۭ بَهِیْجٍ﴾ انسانوں اور جانوروں کی خوراک اور ان کے فائدے کے لیے نباتات کی اصناف میں سے ہر صنف اگائی، جو دیکھنے والوں کو بھلی لگتی اور خوش کرتی ہے اور اس کا نظارہ کرنے والے کی آنکھ ٹھنڈی ہوتی ہے.