تفسیر السعدی (تیسیر الکریم الرحمٰن) از شیخ عبدالرحمٰن السعدی
﴿ ثُمَّاَرْسَلْنَامُوْسٰؔى﴾”پھر ہم نے موسیٰ (بن عمران، کلیم اللہ) کو بھیجا“﴿ وَاَخَاهُهٰؔرُوْنَ ﴾”اور (ان کے ساتھ) ان کے بھائی ہارون کو“ جب حضرت موسیٰ علیہ السلام نے دعا کی کہ حضرت ہارون کو نبوت کے معاملے میں ان کے ساتھ شریک کیا جائے تو اللہ تعالیٰ نے آپ کی دعا قبول فرمالی۔ ﴿بِاٰیٰتِنَا﴾”اپنی نشانیوں کے ساتھ۔“ جو ان کی صداقت اور ان کی دعوت کی صحت پر دلالت کرتی تھیں۔ ﴿ وَسُلْطٰ٘نٍمُّبِیْنٍ﴾”اور واضح برہان کے ساتھ۔“ ان دلائل میں ایسی قوت تھی کہ وہ دلوں پر غالب آجاتے اور اپنی قوت کی بنا پر دلوں میں گھر کر لیتے اور اہل ایمان کے دل ان کو مان لیتے اور معاندین حق کے خلاف حجت قائم ہو جاتی۔
اور یہ آیت کریمہ اللہ تعالیٰ کے اس ارشاد کے مانند ہے: ﴿ وَلَقَدْاٰتَیْنَامُوْسٰؔىتِسْعَاٰیٰتٍۭؔبَیِّنٰتٍ ﴾ (بنی اسرآء یل:17؍101) ”اور بلاشبہ ہم نے موسیٰ کو نو کھلی کھلی نشانیاں عطا کیں۔“ اس لیے معاندین حق کے سردار فرعون نے ان کو پہچان لیا لیکن عناد کا راستہ اختیار کیا۔ ﴿ فَسْـَٔلْبَنِیْۤاِسْرَآءِیْلَاِذْجَآءَهُمْ ﴾”آپ بنی اسرائیل سے پوچھ لیجیے! جب موسیٰ یہ نشانیاں لے کر ان کے پاس آئے“﴿فَقَالَ﴾ تو فرعون نے حضرت موسیٰ علیہ السلام سے کہا ﴿ اِنِّیْلَاَظُنُّكَیٰمُوْسٰؔىمَسْحُوْرًا ﴾ (بنی اسرآء یل:17؍101) ”اے موسیٰ! میں تو تجھے سحر زدہ خیال کرتا ہوں۔“﴿ قَالَلَقَدْعَلِمْتَمَاۤاَنْزَلَهٰۤؤُلَآءِاِلَّارَبُّالسَّمٰوٰتِوَالْاَرْضِبَصَآىِٕرَ١ۚوَاِنِّیْلَاَظُنُّكَیٰفِرْعَوْنُمَثْ٘بُوْرًؔا ﴾ (بنی اسرآء یل: 17؍102) ”موسیٰ نے کہا: تو جانتا ہے کہ یہ بصیرت افروز نشانیاں اللہ کے سوا کسی نے نازل نہیں کیں۔ اے فرعون! میں سمجھتا ہوں کہ تو ضرور ہلاک ہونے والا ہے۔“ اللہ تعالیٰ نے فرمایا: ﴿ وَجَحَدُوْابِهَاوَاسْتَیْقَنَتْهَاۤاَنْفُسُهُمْظُلْمًاوَّعُلُوًّا﴾ (النمل:27؍14) ”انھوں نے محض ظلم اور تکبر کی بنا پر ان نشانیوں کو جھٹلایا حالانکہ ان کے دلوں نے ان کو مان لیا تھا۔“
عربی متن (تفسیر السعدی) دیکھیں
فقوله: {ثم أرسلْنا موسى}: ابن عمرانَ كليمَ الرحمن، {وأخاه هارونَ}: حين سأل ربَّه أن يُشْرِكَه في أمره فأجاب سُؤْلَه، {بآياتنا}: الدالَّة على صدقهما وصحَّة ما جاءا به، {وسلطانٍ مُبينٍ}؛ أي: حجَّة بيَّنة من قوتها أن تَقْهَرَ القلوب وتتسلَّط عليها لقوَّتها فتنقادَ لها قلوبُ المؤمنين وتقومَ الحجَّة البيِّنة على المعاندين. وهذا كقوله: {ولقد آتَيْنا موسى تسعَ آياتٍ بيِّناتٍ}: ولهذا رئيسُ المعاندين عَرَفَ الحقَّ وعاند. {فاسأل بني إسرائيلَ إذْ جاءَهم}: بتلك الآياتِ البيِّناتِ، فقال له [فرعون]: {إنِّي لأظنُّك يا موسى مسحوراً}. فقال موسى: {لقدْ علمتَ ما أنزلَ هؤلاء إلا ربُّ السمواتِ والأرض بصائرَ وإنِّي لأظنُّك يا فرعونُ مَثْبوراً}. وقال تعالى: {وجَحَدوا بها واسْتَيْقَنَتْها أنفسُهم ظُلماً وعلوًّا}.
اہم:
ویب سائٹ یا موبائل ایپ پر کوئی خرابی نظر آئے تو براہِ کرم فوری طور پر
واٹس اپ
پر اطلاع دیں یا
ای میل کریں۔
