تفسیر السعدی (عبدالرحمٰن السعدی) — سورۃ البقرة (2) — آیت 63

اللہ تعالیٰ نے بنی اسرائیل کے اسلاف کے افعال کی وجہ سے ان پر زجر و توبیخ کا پھر اعادہ کیا ہے۔ فرمایا: ﴿ وَاِذْ اَخَذْنَا مِیْثَاقَكُمْ ﴾ یعنی وہ وقت یاد کرو جب ہم نے تم سے عہد لیا تھا۔ (مِیثَاق) سے مراد ایسا پکا عہد ہے جو طور کو ان کے اوپر معلق کر کے ڈر اور دباؤ کے ذریعے سے موکد کیا گیا تھا اور ان سے کہا گیا تھا ﴿خُذُوْا مَاۤ اٰتَیْنٰكُمْ﴾ یعنی تورات کو پکڑے رہو ﴿ بِقُوَّةٍ ﴾ یعنی تورات کو محنت، کوشش اور اللہ تعالیٰ کے اوامر پر صبر و استقامت کے ساتھ پکڑے رہو۔ ﴿ وَّاذْكُرُوْا مَا فِیْهِ﴾ یعنی جو کچھ تمھاری کتاب میں ہے اسے سیکھو اور اس کی تلاوت کرو۔ ﴿لَعَلَّـكُمْ تَتَّقُوْنَ﴾ ”تاکہ تم اللہ تعالی کے عذاب اور اس کی ناراضی سے بچو “ یا ”تاکہ تم اہل تقویٰ میں شمار ہو۔“