تفسیر السعدی (عبدالرحمٰن السعدی) — سورۃ الحجر (15) — آیت 1

اللہ تبارک و تعالیٰ اپنی کتاب کی تعظیم اور مدح بیان کرتے ہوئے فرماتا ہے ﴿ تِلْكَ اٰیٰتُ الْكِتٰبِ ﴾ ”یہ کتاب کی آیات ہیں۔“ یعنی یہ آیات بہترین معانی اور افضل ترین مطالب پر دلالت کرتی ہیں ﴿ وَقُ٘رْاٰنٍ مُّبِیْنٍ ﴾ ”اور قرآن روشن کی۔“ جو بہترین الفاظ اور اپنے مقصد پر قوی ترین دلائل کے ذریعے سے حقائق کو کھول کھول کر بیان کرتا ہے اور یہ چیز اس بات کی موجب ہے کہ مخلوق اس کی اطاعت کرے، اس کے حکم کے سامنے سرتسلیم خم کر دے اور فرحت و سرور کے ساتھ اس کو قبول کرے۔