تفسیر السعدی (عبدالرحمٰن السعدی) — سورۃ إبراهيم (14) — آیت 24

﴿ اَلَمْ تَرَ كَیْفَ ضَرَبَ اللّٰهُ مَثَلًا كَلِمَةً طَیِّبَةً ﴾ ”کیا آپ نے نہیں دیکھا، کیسے بیان کی اللہ نے ایک مثال، ستھری بات“ یہاں کلمہ طیبہ (ستھری بات) سے مراد ہے اس امر کی گواہی کہ اللہ تعالیٰ کے سوا کوئی معبود نہیں اور اس کی فروعات (ایسے ہے) ﴿ كَشَجَرَةٍ طَیِّبَةٍ ﴾ ”جیسے ایک ستھرا درخت ہے“ اور اس سے مراد کھجور کا درخت ہے ﴿ اَصْلُهَا ثَابِتٌ ﴾ ”اس کی جڑ مضبوط ہے“ یعنی زمین میں مضبوطی سے گڑی ہوئی ہے ﴿ وَّفَرْعُهَا ﴾ ”اور اس کی شاخیں۔“ یعنی اس کی شاخیں پھیلی ہوئی ہیں۔ ﴿ فِی السَّمَآءِ ﴾ ”آسمان میں “ اور یہ درخت دائمی طور پر کثیر الفوائد ہے۔