تفسیر السعدی (عبدالرحمٰن السعدی) — سورۃ يوسف (12) — آیت 43

﴿ اِنِّیْۤ اَرٰى سَبْعَ بَقَرٰتٍ سِمَانٍ یَّاْكُ٘لُ٘هُنَّ سَبْعٌ عِجَافٌ﴾ ”میں خواب میں دیکھتا ہوں کہ سات موٹی گائیں، ان کو کھاتی ہیں سات کمزور اور لاغر گائیں۔“ یہ عجیب بات ہے کہ لاغر اور کمزور گائیں، جن میں قوت ختم ہو چکی ہے وہ ایسی سات موٹی گایوں کو کھا جائیں جو انتہائی طاقتور ہوں۔ ﴿وَ﴾ اور میں نے دیکھا ہے ﴿ سَبْعَ سُنْۢبـُلٰتٍ خُ٘ضْرٍ وَّاُخَرَ یٰـبِسٰتٍ﴾ ”سات خوشے سبز ہیں اور سات خشک۔“ یعنی ان سات ہری بالیوں کو سوکھی بالیاں کھا رہی ہیں۔ ﴿ یٰۤاَیُّهَا الْمَلَاُ اَفْتُوْنِیْ فِیْ رُءْیَ٘ایَ ﴾ ”اے دربار والو! مجھے میرے خواب کی تعبیر بتلاؤ“ کیونکہ سب کی تعبیر ایک تھی اس خواب کی تاویل بھی ایک ہی چیز تھی۔ ﴿ اِنْ كُنْتُمْ لِلرُّءْیَ٘ا تَعْبُرُوْنَؔ ﴾ ”اگر ہو تم خواب کی تعبیر کرنے والے۔“