ترجمہ و تفسیر — سورۃ القيامة (75) — آیت 24

(آیت 25،24) {وَ وُجُوْهٌ يَّوْمَىِٕذٍۭ بَاسِرَةٌ …:” بَاسِرَةٌ “ ”بَسَرَ يَبْسُرُ بُسُوْرًا“} (ن) تیوری چڑھانا، منہ بگاڑنا۔{” فَاقِرَةٌ “} وہ سختی جو کمر توڑ دے۔ یہ {”فَقَرَاتُ الظَّهْرِِ“} سے نکلا ہے جس کے معنی ”پیٹھ کے مہرے“ ہیں۔ کہا جاتا ہے: {”فَقَرْتُ الرَّجُلَ“} ”میں نے اس آدمی کی پیٹھ کے مہرے توڑ دیے۔“

24۔ 1 یہ کافروں کے چہرے ہونگے سیاہ اور بےرونق۔

اس آیت کی تفسیر اگلی آیات کیساتھ ملاحظہ کریں۔

پھر اللہ تعالیٰ نے آخرت پر دنیا کو ترجیح دینے والوں کے بارے میں فرمایا: ﴿ وَوُجُوْهٌ یَّوْمَىِٕذٍۭؔ بَ٘اسِرَةٌ﴾ ”اس دن کئی چہرے اداس ہوں گے۔“ یعنی ترش رو، گرد سے اٹے ہوئے، سہمے ہوئے اور ذلیل ہوں گے۔ ﴿ تَظُ٘نُّ اَنْ یُّفْعَلَ بِهَا فَاقِرَةٌ﴾ ”خیال کریں گے کہ ان پر مصیبت واقع ہونے کو ہے۔“ یعنی سخت عقوبت اور درد ناک عذاب، اسی وجہ سے ان کے چہرے متغیر اور چیں بہ جبیں ہوں گے۔