السنن المأثورة

➊ قنوت نازلہ رکوع کے بعد ہے جبکہ قنوت وتر رکوع سے پہلے ہے۔
➋ امام قنوت نازلہ میں اہل اسلام کے لیے دعا اور کفار کے لیے بد دعا کرتا ہے۔ قنوت نازلہ کی دعائیں عربی زبان میں امام بآواز بلند پڑھے گا اور مقتدی آمین کہیں گے جیسا کہ صحابہ کرام رضی اللہ عنہم نبی صلی اللہ علیہ وسلم کے پیچھے قنوت نازلہ میں آمین کہتے تھے۔ [سنن ابی داؤد: 1443]
➌ حقیقی کافر سرکش کا نام لے کر بھی اس کے خلاف بد دعا کی جا سکتی ہے۔
➍ رسول اللہ صلی اللہ علیہ وسلم کی دعا قبول ہوئی مکہ والے ہڈیاں، چمڑے اور مردار کھانے پر مجبور ہوئے پھر ابوسفیان رضی اللہ عنہ مدینہ آئے اور دعا کی درخواست کی آپ صلی اللہ علیہ وسلم نے دعا کی تو قحط سالی دور ہو گئی۔

➊ یقین شک کی بناء پر زائل نہیں ہو سکتا محض شک سے وضو نہیں ٹوٹتا، اس حدیث میں وہم اور شک میں پڑنے سے روکا گیا ہے۔
➋ اگر یقین ہے کہ ہوا نکلی ہے چاہے بدبو ناک تک نہیں پہنچی تو وضو ٹوٹ گیا ہے۔ جب شک ہو پتا نہیں وضو ٹوٹا ہے یا نہیں تو پھر دو چیزیں دیکھی جائیں گی۔ آواز اور بدبو۔
➌ ہوا خارج ہونے سے وضو ٹوٹ جاتا ہے۔
➍ محض شک کی بنا پر طہارت کے معاملہ میں بے یقینی کی کیفیت میں مبتلا ہونا درست نہیں۔