السنن المأثورة

➊ ارشاد باری تعالیٰ ہے: ﴿وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ ‎﴿4﴾‏ إِلَّا الَّذِينَ تَابُوا مِن بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ﴾ [النور: 4، 5]
اور جو لوگ پاک دامن عورتوں پر تہمت لگاتے ہیں، پھر وہ چار گواہ نہیں لاتے، تو تم انہیں اسی کوڑے مارو، اور تم ان کی شہادت کبھی قبول نہ کرو، اور یہی لوگ نافرمان ہیں۔ مگر اس کے بعد جن لوگوں نے توبہ کی اور اصلاح کر لی، تو بلاشبہ اللہ غفور رحیم ہے۔
➋ قاذف سے توبہ پر حد معاف نہ ہوگی البتہ توبہ و اصلاح کے بعد اس سے فسق کا حکم اٹھ جائے گا۔
➌ قاذف کے مردود الشہادۃ ہونے کا سبب اس کا فسق ہے جب توبہ و اصلاح کے بعد فسق ختم ہو گیا تو وہ اس قابل ہے کہ اس کی شہادت قبول کی جائے۔
➍ جن لوگوں کا یہ نظریہ ہے کہ قاذف کی توبہ و اصلاح کے بعد بھی شہادت مقبول نہیں ان کا قول مرجوع ہے۔
➎ قاذف اپنا دعویٰ ثابت نہ کر سکے تو اس پر بہتان کی حد اسی کوڑے لگے گی۔