السنن الكبرى للبيهقي

(الف) عبدالرحمن بن عبدالقاری فرماتے ہیں کہ انہوں نے سیدنا عمر بن خطاب رضی اللہ عنہ کے ساتھ صبح کی نماز کے بعد کعبہ کا طواف کیا۔ جب سیدنا عمر رضی اللہ عنہ نے اپنا طواف مکمل کر لیا تو دیکھا، لیکن سورج نظر نہ آیا تو سوار ہوئے حتیٰ کہ ذی طوی میں سواری کو بٹھایا اور دو رکعتیں ادا کیں۔
(ب) ابو زبیر مکی سے روایت ہے کہ میں نے سیدنا عبداللہ بن عباس رضی اللہ عنہما کو دیکھا کہ وہ نماز عصر کے بعد طواف کرتے تھے، پھر اپنے حجرے میں داخل ہو جاتے۔ مجھے نہیں معلوم کہ حجرے میں کیا کام کرتے تھے۔
(ج) سیدنا ابن عباس رضی اللہ عنہما سے دوسری سند سے روایت ہے کہ انہوں نے ان دونوں کو نماز عصر کے بعد پڑھا۔

سیدنا عبداللہ بن عباس رضی اللہ عنہما نے عصر کے بعد طواف کیا اور دو رکعتیں ادا کیں۔

سیدنا جبیر بن مطعم رضی اللہ عنہ فرماتے ہیں کہ رسول اللہ ﷺ نے فرمایا: ”اے بنی عبد مناف! کسی بھی شخص کو اس بیت اللہ کا طواف کرنے اور نماز پڑھنے سے منع نہ کرو، خواہ کوئی بھی وقت ہو۔“