السنن الكبرى للبيهقي

سیدنا علی رضی اللہ عنہ سے روایت ہے کہ میں نبی کریم ﷺ کے پاس آیا اور میں نے کہا: آپ کا بوڑھا گمراہ بزرگ فوت ہو چکا ہے (یعنی میرا باپ)، تو آپ ﷺ نے فرمایا: ”تو جلدی جا اور کوئی نیا کام نہ ہو جائے یہاں تک کہ میں آؤں“۔ پھر میں ان کے پاس آیا، آپ ﷺ نے مجھے حکم دیا تو میں نے اسے غسل دیا، پھر آپ ﷺ نے میرے لیے دعائیں کیں جو مجھے بہت ہی پسند ہیں، حتیٰ کہ ان سے بڑھ کر زمین کی کوئی چیز مجھے خوش نہیں کر سکتی۔
ابوالیمان ہوزنی رحمہ اللہ کہتے ہیں: جب ابو طالب فوت ہوئے تو رسول اللہ ﷺ نکلے اور جنازے کی ایک طرف چلنے لگے۔ ابن عوف رحمہ اللہ کہتے ہیں: آپ ﷺ ایک کنارے پر چلنے لگے اور آپ ﷺ فرما رہے تھے: ”تیری صلہ رحمی نے تجھے نیک کر دیا اور تو نے اچھا بدلہ حاصل کیا“ مگر آپ ﷺ اس کی قبر پر کھڑے نہ ہوئے۔

سعید بن جبیر رحمہ اللہ کہتے ہیں کہ ایک آدمی سیدنا عبداللہ بن عباس رضی اللہ عنہما کے پاس آیا اور کہا کہ میرے والد نصرانیت پر فوت ہو گئے۔ انہوں نے فرمایا: ”اسے خوشبو لگا پھر اسے دفن کر دے۔“ پھر انہوں نے یہ آیت پڑھی: ﴿مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ وَلَوْ كَانُوا أُولِي قُرْبَى﴾ [سورة التوبة: 113] ”نبی ﷺ کے لیے اور نہ ہی اہل ایمان کے لیے یہ لائق ہے کہ وہ مشرکین کے لیے استغفار کریں اگرچہ وہ ان کے قریبی رشتہ دار ہی کیوں نہ ہوں۔“