صحیح ابن حبان

سیدنا ابوسعید خدری رضی اللہ عنہ، روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ” میں کیسے نعمت میں رہ سکتا ہوں جبکہ (صور میں) پھونک مارنے والے نے اپنا منہ صور کے ساتھ لگایا ہوا ہے اور اس نے اپنی پیشانی کو اس بات کے انتظار میں تیار رکھا ہوا ہے کب اسے پھونک مارنے کا حکم ہوتا ہے۔ راوی بیان کرتے ہیں: ہم نے کہا: یا رسول اللہ! ہمیں پھر اس دن کیا کہنا چاہئے۔ نبی اکرم صلی اللہ علیہ وسلم نے فرمایا: تم یہ کہو: «حَسْبُنَا اللهُ وَنِعْمَ الْوَكِيلُ» (ہمارے لئےاللہ تعالیٰ کافی ہے وہ بہترین کارساز ہے) ۔“
(امام ابن حبان رحمہ اللہ فرماتے ہیں:) ابویعلی نے اپنی سند کے ساتھ اسی کی مانند روایت نقل کی ہے، تاہم انہوں نے یہ الفاظ نقل کئے ہیں۔ «حَسْبُنَا اللَّهُ وَنِعْمَ الْوَكِيلُ»، «عَلَى اللَّهِ تَوَكَّلْنَا» ” تم لوگ یہ کہو ہمارے لئےاللہ تعالیٰ کافی ہے اور وہ بہترین کارساز ہے اور ہماللہ تعالیٰ پر ہی توکل کرتے ہیں ۔“