صحیح الجامع الصغیر

«إن يأجوج ومأجوج ليحفرون السد كل يوم حتى إذا كادوا يرون شعاع الشمس قال الذي عليهم: ارجعوا فستحفرونه غدا فيعيده الله أشد ما كان حتى إذا بلغت مدتهم وأراد الله أن يبعثهم على الناس حضروا حتى إذا كادوا يرون شعاع الشمس قال الذي عليهم: ارجعوا فستحفرونه غدا إن شاء الله واستثنوا فيعودون إليه وهو كهيئته حين تركوه فيحفرونه ويخرجون على الناس فينشفون الماء ويتحصن الناس منهم في حصونهم فيرمون سهامهم إلى السماء فترجع وعليها كهيئة الدم الذي اجفظ فيقولون: قهرنا أهل الأرض وعلونا أهل السماء! فيبعث الله عليهم نغفا في أقفائهم فيقتلهم بها والذي نفسي بيده إن دواب الأرض لتسمن وتشكر شكرا من لحومهم ودمائهم»

(نبی کریم ﷺ نے فرمایا:)
”بے شک یاجوج اور ماجوج ہر روز دیوار کھودتے ہیں، یہاں تک کہ جب وہ سورج کی شعاعیں دیکھنے کے قریب ہوتے ہیں تو ان کا نگران کہتا ہے: واپس چلو، کل اسے کھودیں گے۔ تو اللہ تعالیٰ اس (دیوار) کو پہلے سے بھی زیادہ مضبوط حالت میں لوٹا دیتا ہے۔ یہاں تک کہ جب ان کی مدت پوری ہو جائے گی اور اللہ ان کو لوگوں پر بھیجنے کا ارادہ فرمائے گا، تو وہ کھودنے آئیں گے، یہاں تک کہ جب سورج کی شعاعیں دیکھنے کے قریب ہوں گے تو ان کا نگران کہے گا: واپس چلو، ان شاء اللہ کل اسے کھودیں گے۔ (اس بار وہ ان شاء اللہ کہہ کر) استثنا کریں گے۔ چنانچہ وہ واپس آئیں گے تو وہ دیوار اسی حالت میں ہوگی جس پر وہ اسے چھوڑ کر گئے تھے۔ پھر وہ اسے کھودیں گے اور لوگوں پر نکل پڑیں گے، وہ سارا پانی پی جائیں گے اور لوگ ان سے بچنے کے لیے اپنے قلعوں میں محصور ہو جائیں گے۔ پھر وہ (یاجوج ماجوج) اپنے تیر آسمان کی طرف پھینکیں گے تو وہ تیر خون آلود ہو کر واپس لوٹیں گے۔ وہ کہیں گے: ہم نے زمین والوں کو مغلوب کر لیا اور آسمان والوں پر بھی غلبہ پا لیا! تب اللہ تعالیٰ ان کی گردنوں میں ایک قسم کا کیڑا پیدا کر دے گا جس سے وہ سب مر جائیں گے۔ اس ذات کی قسم جس کے ہاتھ میں میری جان ہے! بے شک زمین کے جانور ان کے گوشت اور خون کو کھا پی کر خوب موٹے تازے اور سیراب ہو جائیں گے۔“