صحيح الادب المفرد

سیدنا ابوبکرہ رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”حیا ایمان میں سے ہے اور ایمان (والا) جنت میں ہو گا، اور بدزبانی ظلم (و بدخلقی) میں سے ہے اور ظلم (والا) جہنم میں ہو گا۔“

سیدنا علی رضی اللہ عنہ سے روایت ہے، انہوں نے کہا: ”نبی صلی اللہ علیہ وسلم بڑے سر والے اور بڑی بڑی آنکھوں والے تھے، جب چلتے تو آگے کی طرف جھک کر چلتے گویا کسی بلندی پر چڑھ رہے ہوں، اور جب (کسی کی طرف) متوجہ ہوتے تو پوری طرح متوجہ ہوتے۔“