صحيح الادب المفرد

سیدنا عمران بن حصین رضی اللہ عنہما سے روایت ہے، انہوں نے کہا: نبی صلی اللہ علیہ وسلم نے فرمایا: ”حیا خیر ہی لاتی ہے۔“ اس پر بشیر بن کعب نے کہا: حکمت (کی کتابوں) میں لکھا ہوا ہے: ”حیا میں سے کچھ وقار ہے اور حیا میں سے کچھ سکینت ہے۔“ تو سیدنا عمران رضی اللہ عنہ نے ان سے فرمایا: میں تمہیں رسول اللہ صلی اللہ علیہ وسلم کی حدیث سناتا ہوں اور تم مجھے اپنے صحیفے کی باتیں سناتے ہو؟!

سیدنا ابن عمر رضی اللہ عنہما سے روایت ہے، انہوں نے فرمایا: ”حیا اور ایمان دونوں ایک ساتھ جڑے ہوئے ہیں، جب ان میں سے ایک اٹھا لیا جاتا ہے تو دوسرا بھی اٹھا لیا جاتا ہے۔“