صحيح الادب المفرد

علقمہ سے روایت ہے، انہوں نے کہا: ایک آدمی سیدنا عبداللہ (بن مسعود) رضی اللہ عنہ کے پاس آیا اور کہا: کیا میں اپنی ماں کے پاس جانے کے لیے اجازت لوں ؟ انہوں نے فرمایا : ”وہ اپنی ہر حالت میں یہ پسند نہیں کرتی کہ تم اسے دیکھو ۔“ (یعنی ہر وقت وہ اس حالت میں نہیں ہوتی کہ تم اسے دیکھو، اس لیے اجازت لو ۔)

مسلم بن نذیر سے روایت ہے، انہوں نے کہا: ایک آدمی نے سیدنا حذیفہ رضی اللہ عنہ سے پوچھا: کیا میں اپنی ماں کے پاس جانے کے لیے اجازت لوں ؟ انہوں نے فرمایا : ”اگر تم نے اس سے اجازت نہ لی تو تم وہ دیکھو گے جو تمہیں ناپسند ہو گا ۔“ (اور ایک روایت میں ہے: جو تمہیں برا لگے گا ۔)