صحيح الادب المفرد

سیدنا ابووہب جشمی رضی اللہ عنہ سے روایت ہے - اور انہیں شرف صحابیت حاصل تھا - وہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”انبیاء کے ناموں پر نام رکھو۔ اور اللہ عزوجل کو سب سے زیادہ پسندیدہ نام عبداللہ اور عبدالرحمن ہیں، اور سب سے سچے نام حارث اور ہمام ہیں، اور سب سے برے نام حرب اور مرہ ہیں۔“

سیدنا جابر رضی اللہ عنہ سے روایت ہے، انہوں نے کہا: ہم میں سے ایک آدمی کے ہاں لڑکا پیدا ہوا تو اس نے اس کا نام قاسم رکھا۔ ہم نے کہا: ہم تمہیں ابوالقاسم کی کنیت سے نہیں پکاریں گے اور نہ ہی (یہ) عزت دیں گے۔ نبی صلی اللہ علیہ وسلم کو اس کی خبر دی گئی تو آپ نے فرمایا: ”اپنے بیٹے کا نام عبدالرحمن رکھ دو۔“