صحيح الادب المفرد

حبیب بن صہبان اسدی سے روایت ہے، انہوں نے کہا: میں نے سیدنا عمار رضی اللہ عنہ کو دیکھا کہ انہوں نے فرض نماز پڑھی، پھر اپنے پہلو میں بیٹھے ایک آدمی سے کہا: ”اے فلاں!“ پھر اٹھ کھڑے ہوئے۔

سیدنا شرید رضی اللہ عنہ سے روایت ہے، انہوں نے کہا: نبی صلی اللہ علیہ وسلم نے مجھے اپنے پیچھے سوار کیا اور فرمایا: ”کیا تمہیں امیہ بن ابی صلت کے کچھ اشعار یاد ہیں؟“ میں نے کہا: جی ہاں، پھر میں نے آپ کو ایک شعر سنایا تو آپ صلی اللہ علیہ وسلم نے فرمایا: ”اور سناؤ، اور سناؤ“ یہاں تک کہ میں نے آپ کو سو اشعار سنائے۔ (پھر آپ صلی اللہ علیہ وسلم نے فرمایا: ”قریب تھا کہ وہ مسلمان ہو جاتا۔“)