صحيح الادب المفرد

سیدنا عبداللہ (بن مسعود) رضی اللہ عنہ سے روایت ہے، انہوں نے فرمایا: ”جب تم میں سے کوئی کسی ضرورت کو طلب کرے تو اسے نرمی اور آسانی سے طلب کرے، کیونکہ اسے وہی ملے گا جو اس کے لیے مقدر کر دیا گیا ہے۔ اور تم میں سے کوئی اپنے ساتھی کے پاس جا کر اس کی تعریف نہ کرے کہ اس کی کمر توڑ دے۔“

سیدنا ابوعزہ یسار بن عبداللہ ہذلی رضی اللہ عنہ نبی صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”بیشک اللہ تعالیٰ جب کسی بندے کی روح کسی سرزمین میں قبض کرنے کا ارادہ فرماتا ہے تو اس کے لیے وہاں - یا فرمایا: اس میں - کوئی ضرورت پیدا کر دیتا ہے۔“