المستدرك على الصحيحين

سیدنا عمر بن خطاب رضی اللہ عنہ سیدہ اسماء بنت عمیس رضی اللہ عنہا سے روایت کرتے ہیں کہ رسول اللہ ﷺ ایک دن ان کے پاس تشریف لائے جبکہ وہ «شُبْرُمٌ» ”شبرم“ (ایک دست آور بوٹی) کو کوٹ رہی تھیں، آپ ﷺ نے پوچھا: ”تم اس کا کیا کرتی ہو؟“ انہوں نے عرض کیا: ہم اسے فلاں شخص کو پلاتے ہیں (تاکہ اس کا پیٹ صاف ہو جائے)، آپ ﷺ نے فرمایا: ”یہ تو بیماری (یعنی نہایت سخت اور نقصان دہ) ہے۔“ (راوی کہتے ہیں کہ) پھر آپ ﷺ دوبارہ تشریف لائے تو ان کے پاس «سَنَا» ”سنا“ (سنا مکی) تھی، آپ ﷺ نے پوچھا: ”تم اس کا کیا کرتی ہو؟“ انہوں نے عرض کیا: اسے فلاں شخص پیتا ہے، آپ ﷺ نے فرمایا: ”اگر کوئی چیز ایسی ہوتی جو موت کو روک سکتی یا موت کے مقابلے میں نفع دے سکتی تو وہ سنا ہوتی۔“
یہ حدیث صحیح الاسناد ہے لیکن شیخین نے اسے روایت نہیں کیا۔

سیدہ اسماء بنت عمیس رضی اللہ عنہا سے روایت ہے کہ رسول اللہ ﷺ نے ان سے دریافت فرمایا: ”تم پیٹ صاف کرنے (جلاب) کے لیے کیا استعمال کرتی ہو؟“ انہوں نے عرض کیا: میں ”شبرم“ استعمال کرتی تھی، آپ ﷺ نے فرمایا: ”وہ تو بہت گرم اور شدید (جلانے والی) ہے،“ انہوں نے کہا: پھر میں نے ”سنا“ استعمال کی تو رسول اللہ ﷺ نے فرمایا: ”اگر کوئی ایسی چیز ہوتی جس میں موت سے شفا ہوتی تو وہ سنا ہوتی۔“