المستدرك على الصحيحين

سیدنا سفینہ رضی اللہ عنہ سے ان کے نام کے بارے میں پوچھا گیا تو انہوں نے بتایا کہ میرا نام قیس تھا لیکن رسول اللہ ﷺ نے میرا نام ”سفینہ“ (کشتی) رکھ دیا، ان سے پوچھا گیا کہ آپ ﷺ نے آپ کا نام سفینہ کیوں رکھا؟ انہوں نے کہا کہ رسول اللہ ﷺ اپنے صحابہ کے ہمراہ سفر پر نکلے تو ان کا سامان ان پر بوجھل ہو گیا، آپ ﷺ نے مجھ سے فرمایا: ”اپنی چادر بچھاؤ“ میں نے چادر بچھا دی، آپ ﷺ نے اس میں ان سب کا سامان رکھ دیا، پھر اسے مجھ پر لاد دیا اور فرمایا: ”اسے اٹھاؤ، تم تو ایک کشتی (سفینہ) ہو“، سفینہ رضی اللہ عنہ نے کہا کہ اس دن کے بعد اگر مجھ پر ایک، دو یا پانچ چھ اونٹوں کا بوجھ بھی لاد دیا جاتا تو وہ مجھ پر بوجھل نہ ہوتا۔
یہ حدیث صحیح الاسناد ہے لیکن شیخین نے اسے روایت نہیں کیا۔

سیدنا سفینہ ابوعبدالرحمن رضی اللہ عنہ سے روایت ہے کہ سیدہ ام سلمہ رضی اللہ عنہا نے مجھے اس شرط پر آزاد کیا تھا کہ جب تک رسول اللہ ﷺ حیات ہیں میں آپ ﷺ کی خدمت کروں گا۔