المستدرك على الصحيحين

سلمہ بن کہیل کہتے ہیں کہ میرا اور ذر مرہبی کا حجاج بن یوسف کے متعلق اختلاف ہوا، انہوں نے اسے مومن کہا جبکہ میں نے اسے کافر قرار دیا۔

اعمش بیان کرتے ہیں کہ میں نے حجاج بن یوسف کو یہ کہتے ہوئے سنا: ”مجھے ہذیل کے غلام (مراد سیدنا عبداللہ بن مسعود) پر تعجب ہوتا ہے جو یہ دعویٰ کرتا ہے کہ وہ اللہ کی طرف سے نازل شدہ قرآن پڑھتا ہے، حالانکہ اللہ کی قسم! وہ اعرابیوں کے کلام (رجز) کے سوا کچھ نہیں، اور اللہ کی قسم! اگر میں ابن مسعود کو پالیتا تو ان کی گردن اڑا دیتا۔“ (امام حاکم فرماتے ہیں:) حجاج نے یہ گستاخانہ کلام سیدنا عبداللہ بن عمر اور سیدنا عبداللہ بن زبیر رضی اللہ عنہم کی شہادت کے بعد کیا، اور اسے اس بات پر افسوس تھا کہ وہ سیدنا عبداللہ بن مسعود رضی اللہ عنہ کو (ان کی وفات پہلے ہو جانے کی وجہ سے) شہید نہ کر سکا۔ اللہ تعالیٰ ان تمام عبادلہ (عبداللہ نامی جلیل القدر صحابہ) سے راضی ہو اور ان پر لعنت فرمائے جو ان سے بغض رکھتے ہیں یا انہیں تنہا چھوڑ دیتے ہیں۔
سیدنا عبداللہ بن عمر بن خطاب رضی اللہ عنہما کے مناقب کا ذکر