المستدرك على الصحيحين

سیدنا صہیب بن سنان رضی اللہ عنہ سے روایت ہے کہ رسول اللہ ﷺ یہ دعا کیا کرتے تھے: «اللَّهُمَّ إِنَّكَ لَسْتَ بِإِلَهٍ اسْتَحْدَثْنَاهُ، وَلَا بِرَبٍّ ابْتَدَعْنَاهُ، وَلَا كَانَ لَنَا قَبْلَكَ مِنْ إِلَهٍ نَلْجَأُ إِلَيْهِ وَنَذَرَكَ، وَلَا أَعَانَكَ عَلَى خَلْقِنَا أَحدٌ فَنُشْرِكَهُ فِيكَ، تَبَارَكْتَ وَتَعَالَيْتَ» ”اے اللہ! تو ایسا معبود نہیں جسے ہم نے نیا گھڑا ہو، اور نہ ہی ایسا رب ہے جسے ہم نے ایجاد کیا ہو، نہ ہی تجھ سے پہلے ہمارا کوئی ایسا خدا تھا جس کی طرف ہم پناہ لیتے اور تجھے چھوڑ دیتے، اور نہ ہی ہماری پیدائش پر کسی نے تیری مدد کی کہ ہم اسے تیرا شریک ٹھہرائیں، تو بابرکت اور نہایت بلند و بالا ہے“، کعب الاحبار کہتے ہیں کہ اللہ کے نبی سیدنا داود علیہ السلام بھی یہی دعا مانگا کرتے تھے۔
اس حدیث کی سند صحیح ہے لیکن شیخین نے اسے روایت نہیں کیا۔

سیدنا صہیب رضی اللہ عنہ سے روایت ہے کہ نبی کریم ﷺ نے فرمایا: ”صہیب سے بغض نہ رکھو“۔
اس حدیث کی سند صحیح ہے لیکن شیخین نے اسے روایت نہیں کیا۔