المستدرك على الصحيحين

سیدنا عبداللہ بن مسعود رضی اللہ عنہ سے روایت ہے، انہوں نے فرمایا: ”جہاں بھی ﴿يَاأَيُّهَا الَّذِينَ آمَنُوا﴾ ”اے ایمان والو!“ کے الفاظ نازل ہوئے وہ (زمانہ ہجرت کے بعد) مدینہ میں نازل ہوئے، اور جہاں ﴿يَاأَيُّهَا النَّاسُ﴾ ”اے لوگو!“ کے الفاظ ہیں وہ (ہجرت سے قبل) مکہ میں نازل ہوئے ہیں۔“

سیدنا عبداللہ بن مسعود رضی اللہ عنہ سے روایت ہے، انہوں نے فرمایا: ”ہم ایک طویل مدت اور کئی برسوں تک مکہ میں مفصل (قرآن کی آخری مختصر سورتوں) کی تلاوت کرتے رہے، اس میں کہیں بھی ﴿يَاأَيُّهَا الَّذِينَ آمَنُوا﴾ کے الفاظ موجود نہیں تھے۔“
یہ حدیث شیخین کی شرط پر صحیح ہے لیکن انہوں نے اسے روایت نہیں کیا۔
[کتاب المغازی والسرایا] حاکم ابو عبداللہ محمد بن عبداللہ حافظ نے ذوالحجہ 401 ہجری میں املاء کرواتے ہوئے فرمایا: یہ کتاب المغازی، السرایا، ہجرت سے لے کر رسول اللہ ﷺ کی وفات تک کے دیگر تمام واقعات و جنگوں پر مشتمل ہے، شیخین نے اس کتاب کی اکثر صحیح احادیث پر اتفاق کیا ہے، اس باب میں بہت سی ایسی احادیث بھی ہیں جن کا مدار ابوزبیر عن جابر رضی اللہ عنہ پر ہے جن کی روایت میں امام مسلم رحمہ اللہ منفرد ہیں، جبکہ کچھ ایسی معتبر احادیث باقی رہ گئی تھیں جن کے راوی ثقہ ہیں مگر شیخین نے انہیں روایت نہیں کیا، ان میں سے کچھ درج ذیل ہیں: