المستدرك على الصحيحين

سیدنا ابو امامہ رضی اللہ عنہ سے روایت ہے کہ نبی کریم ﷺ نے فرمایا: ”جب منادی (مؤذن) اذان پکارتا ہے تو آسمان کے دروازے کھول دیے جاتے ہیں اور دعا قبول ہوتی ہے، پس جس شخص کو کوئی پریشانی یا سختی درپیش ہو، اسے مؤذن (کی اذان) کا انتظار کرنا چاہیے، پھر جب مؤذن اللہ اکبر کہے تو وہ بھی کہے، جب وہ شہادت دے تو یہ بھی شہادت دے، جب وہ «حي على الصلاة» کہے تو یہ بھی «حي على الصلاة» کہے، جب وہ «حي على الفلاح» کہے تو یہ بھی «حي على الفلاح» کہے، پھر وہ یہ کہے: «اللَّهُمَّ رَبَّ هَذِهِ الدَّعْوَةِ الصَّادِقَةِ الْمُسْتَجَابِ لَهَا دَعْوَةِ الْحَقِّ وَكَلِمَةِ التَّقْوَى أَحْيِنَا عَلَيْهَا، وَأَمِتْنَا عَلَيْهَا، وَابْعَثْنَا عَلَيْهَا، وَاجْعَلْنَا مِنْ خِيَارِ أَهْلِهَا أَحْيَاءً وَأَمْوَاتًا» ”اے اللہ! اس سچی پکار کے رب، جس کی دعا قبول کی جاتی ہے، جو حق کی پکار اور تقویٰ کا کلمہ ہے، ہمیں اسی پر زندہ رکھ، اسی پر موت دے، اسی پر (قیامت میں) اٹھا، اور ہمیں زندگی اور موت دونوں حالتوں میں اس کے بہترین لوگوں میں شامل فرما“، اس کے بعد وہ اللہ سے اپنی حاجت کا سوال کرے۔“
اس حدیث کی سند صحیح ہے لیکن شیخین نے اسے روایت نہیں کیا۔

سیدنا عبداللہ بن عمرو رضی اللہ عنہما سے روایت ہے کہ میں نے نبی کریم ﷺ کو انگلیوں پر تسبیح شمار کرتے ہوئے دیکھا۔

سیدنا عبداللہ بن عمرو رضی اللہ عنہما سے روایت ہے کہ میں نے نبی کریم ﷺ کو دیکھا کہ آپ اپنی انگلیوں کے پوروں پر تسبیح کے کلمات شمار فرما رہے تھے۔