المستدرك على الصحيحين

سیدنا ابوہریرہ رضی اللہ عنہ بیان کرتے ہیں کہ میں نے رسول اللہ ﷺ کو مقامِ عرج پر دیکھا کہ آپ ﷺ روزے کی حالت میں تپش کی وجہ سے اپنے سر مبارک پر پانی ڈال رہے تھے۔
اس حدیث کی اصل موطا امام مالک میں موجود ہے، اگر محمد بن نعیم سعدی نے اسے اسی طرح محفوظ رکھا ہے تو یہ شیخین کی شرط پر صحیح ہے۔

رسول اللہ ﷺ کے بعض صحابہ رضی اللہ عنہم سے مروی ہے کہ انہوں نے بیان کیا کہ میں نے رسول اللہ ﷺ کو دیکھا کہ آپ ﷺ نے فتحِ مکہ کے سال اپنے سفر کے دوران لوگوں کو روزہ افطار کرنے کا حکم دیا اور فرمایا: ”اپنے دشمن کے مقابلے کے لیے قوت حاصل کرو“، جبکہ رسول اللہ ﷺ اس وقت روزے سے تھے۔ ابوبکر بن عبدالرحمن کہتے ہیں کہ مجھے جس شخص نے یہ حدیث سنائی اس نے کہا کہ میں نے رسول اللہ ﷺ کو مقامِ عرج پر دیکھا کہ آپ ﷺ روزے کی حالت میں پیاس یا تپش کی وجہ سے اپنے سر مبارک پر پانی ڈال رہے تھے۔