المستدرك على الصحيحين

قال أبو الحسن المَدَائني: وحدثني الأسود بن شَيْبان، عن خالد بن سُمَير، قال: سمعت موسى بن طلحة بن عبيد الله يقول: يَرحَمُ اللهُ أبا عبد الرحمن عبدَ الله ابنَ عمر، إني لأحسَبُه على العهد الذي عاهَدَه عليه رسولُ الله ﷺ لم يتغيَّرُ، والله ما استفزّتْه قريشٌ في فتنتِها الأُولى. فقلت: هذا يُزْري على أبيه (2).

ابوالحسن مدائنی، موسیٰ بن طلحہ بن عبید اللہ سے روایت کرتے ہیں کہ انہوں نے کہا: ”اللہ تعالیٰ ابوعبدالرحمن عبداللہ بن عمر پر رحم فرمائے، میرا گمان ہے کہ وہ اسی عہد پر قائم رہے جو انہوں نے رسول اللہ ﷺ سے کیا تھا اور اس میں ذرہ برابر تبدیلی نہیں کی، اللہ کی قسم! قریش انہیں اپنے پہلے فتنے (سیاسی کشمکش) میں نہیں اکسا سکے۔“ (راوی کہتے ہیں:) میں نے کہا: یہ بات تو ان کے والد (سیدنا عمر رضی اللہ عنہ) کی شان میں کمی کرنے والی ہے (کیونکہ اس سے یہ تاثر ملتا ہے کہ ابن عمر اپنے والد سے بہتر ثابت ہوئے)۔