المستدرك على الصحيحين

حدثنا أبو بكر بن إسحاق الفقيه، أخبرنا الحسن بن علي بن السَّرِي، حدثنا سعيد بن سليمان الواسطي، حدثنا عبَّاد بن العوَّام، عن هلال بن خبَّاب، حدثنا مجاهد قال: قال لي مولاي عبدُ الله بنُ السائب: كنتُ فيمن بَنَى البيت، فأخذتُ حَجَرًا فسوَّيتُه، فوضعتُه إلى جنب البيت، قال: فكنتُ أعبدُه، فإن كان لَيَكونُ في البيت الشيءُ أبعثُ به إليه، حتى إذا كان يومًا لَبَنٌ طَيِّبٌ فبعثتُ به إليه، فصَبُّوه عليه. وإنَّ قريشًا اختلفوا في الحَجَر حين أرادوا أن يَضَعُوه، حتى كادَ أن يكون بينهم قتالٌ بالسيوف، فقالوا: اجعلوا بينَكم أوّلَ رجلٍ يدخل من الباب، فدخل رسولُ الله ﷺ، فقالوا: هذا الأمينُ، وكانوا يُسمُّونَه في الجاهلية الأمينَ، فقالوا: يا محمدُ، قد رَضِينا بك، فدعا بثوبٍ فبَسَطَه، ووَضَعَ الحجرَ فيه، ثم قال لهذا البَطْن ولهذا البَطْن - غير أنه سمى بُطونًا -: "ليأخُذْ كلُّ بطنٍ منكم بناحيةٍ من الثَّوب"، ففَعَلُوا، ثم رَفَعوه، وأخذه رسولُ الله ﷺ فَوَضَعَه بيده (1).
هذا حديث صحيح على شرط مسلم، ولم يُخرجاه. وله شاهدٌ صحيح على شرطه:

سیدنا عبد اللہ بن سائب رضی اللہ عنہ سے روایت ہے کہ انہوں نے بیان کیا کہ میں بیت اللہ کی تعمیر کرنے والوں میں شامل تھا، میں نے ایک پتھر لیا، اسے برابر کیا اور بیت اللہ کے پہلو میں رکھ دیا، وہ کہتے ہیں کہ میں (زمانہ جاہلیت میں) اس کی پوجا کیا کرتا تھا، حتیٰ کہ اگر گھر میں کوئی عمدہ چیز ہوتی تو میں اسے اس کے پاس بھیج دیتا، یہاں تک کہ ایک دن میرے پاس اچھا دودھ تھا تو میں نے اسے اس پر بہا دیا۔ پھر جب قریش نے بیت اللہ کی تعمیر کا ارادہ کیا تو حجرِ اسود رکھنے کے معاملے پر ان میں اختلاف ہو گیا، یہاں تک کہ قریب تھا کہ ان کے درمیان تلواریں چل جاتیں، پھر انہوں نے کہا کہ اپنے درمیان اس پہلے شخص کو (فیصل) بنا لو جو اس دروازے سے داخل ہوگا، چنانچہ رسول اللہ ﷺ داخل ہوئے تو وہ پکار اٹھے کہ یہ تو ”الامین“ ہیں (اور جاہلیت میں وہ آپ ﷺ کو الامین ہی کہتے تھے)۔ انہوں نے کہا: اے محمد! ہم آپ پر راضی ہیں، تو آپ ﷺ نے ایک کپڑا منگوایا، اسے بچھایا اور اس میں حجرِ اسود رکھ دیا، پھر ان مختلف قبائل سے فرمایا: ”تم میں سے ہر قبیلہ کپڑے کا ایک گوشہ پکڑ لے“، تو انہوں نے ایسا ہی کیا، پھر انہوں نے اسے بلند کیا اور رسول اللہ ﷺ نے اپنے دستِ مبارک سے اسے (مقامِ مخصوص پر) رکھ دیا۔
یہ حدیث امام مسلم کی شرط پر صحیح ہے لیکن شیخین نے اسے روایت نہیں کیا۔ نیز اس کا ایک صحیح شاہد بھی ان کی شرط پر موجود ہے: