مسند أبي يعلى الموصلي

حَدَّثَنَا عَبْدُ الْعَزِيزِ بْنُ أَبِي سَلَمَةَ بْنِ عُبَيْدِ اللهِ بْنِ عَبْدِ اللهِ بْنِ عُمَرَ بْنِ الْخَطَّابِ ، حَدَّثَنِي إِبْرَاهِيمُ بْنُ سَعْدٍ عَنِ الزُّهْرِيِّ عَنْ عُبَيْدِ بْنِ السَّبَّاقِ ، عَنْ زَيْدِ بْنِ ثَابِتٍ حَدَّثَهُ قَالَ :
أَرْسَلَ إِلَيَّ أَبُو بَكْرٍ مَقْتَلَ أَهْلِ الْيَمَامَةِ ، فَإِذَا عُمَرُ بْنُ الْخَطَّابِ عِنْدَهُ فَقَالَ أَبُو بَكْرٍ : إِنَّ عُمَرَ أَتَانِي فَقَالَ : إِنَّ الْقَتْلَ قَدِ اسْتَحَرَّ يَوْمَ الْيَمَامَةِ بِقُرَّاءِ الْقُرْآنِ ، وَإِنِّي أَخْشَى أَنْ يَسْتَحِرَّ الْقَتْلُ بِقُرَّاءِ الْقُرْآنِ فِي الْمَوَاطِنِ ، فَيَذْهَبَ كَثِيرٌ مِنَ الْقُرْآنِ ، وَإِنِّي أَرَى أَنْ تَأْمُرَ فَيُجْمَعَ ، قَالَ : قُلْتُ : كَيْفَ أَفْعَلُ شَيْئًا لَمْ يَفْعَلْهُ رَسُولُ اللهِ صَلَّى اللهُ عَلَيْهِ وَسَلَّمَ ؟ قَالَ : فَقَالَ عُمَرُ : هُوَ وَاللهِ خَيْرٌ ، فَلَمْ يَزَلْ يُرَاجِعُنِي فِي ذَلِكَ إِلَى أَنْ شَرَحَ اللهُ لِذَلِكَ صَدْرِي ، وَرَأَيْتُ فِي ذَلِكَ الَّذِي رَأَى عُمَرُ ، قَالَ زَيْدُ بْنُ ثَابِتٍ : قَالَ أَبُو بَكْرٍ : إِنَّكَ فَتًى شَابٌّ عَاقِلٌ لَا نَتَّهِمُكَ ، وَقَدْ كُنْتَ تَكْتُبُ الْوَحْيَ لِلنَّبِيِّ صَلَّى اللهُ عَلَيْهِ وَسَلَّمَ ، فَتَتَبَّعِ الْقُرْآنَ فَاجْمَعْهُ ، قَالَ زَيْدٌ : وَاللهِ لَوْ كَلَّفَنِي نَقْلَ جَبَلٍ مِنَ الْجِبَالِ مَا كَانَ أَثْقَلَ عَلَيَّ مِنَ الَّذِي أَمَرَنِي بِهِ مِنْ جَمْعِ الْقُرْآنِ ، قَالَ : قُلْتُ : كَيْفَ تَفْعَلُونَ شَيْئًا لَمْ يَفْعَلْهُ رَسُولُ اللهِ صَلَّى اللهُ عَلَيْهِ وَسَلَّمَ ؟ قَالَ : هُوَ وَاللهِ خَيْرٌ ، فَلَمْ يَزَلْ يُرَاجِعُنِي حَتَّى شَرَحَ اللهُ صَدْرِي لِلَّذِي شَرَحَ لَهُ صَدْرَ أَبِي بَكْرٍ وَعُمَرَ ، وَرَأَيْتُ فِي ذَلِكَ الَّذِي رَأَيَا ، فَتَتَبَّعْتُ الْقُرْآنَ أَجْمَعُهُ مِنَ الرِّقَاعِ وَاللِّخَافِ وَالْعُسُبِ وَصُدُورِ الرِّجَالِ ، حَتَّى فَقَدْتُ آخِرَ سُورَةِ التَّوْبَةِ فَوَجَدْتُهَا مَعَ خُزَيْمَةَ بْنِ ثَابِتٍ الْأَنْصَارِيِّ ؛ لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ إِلَى خَاتِمَةِ ( بَرَاءَةٌ ) ، وَكَانَتِ الصُّحُفُ عِنْدَ أَبِي بَكْرٍ حَيَاتَهُ حَتَّى تَوَفَّاهُ اللهُ ، ثُمَّ عِنْدَ عُمَرَ حَتَّى تَوَفَّاهُ اللهُ ، ثُمَّ عِنْدَ حَفْصَةَ .

سیدنا زید بن ثابت رضی اللہ عنہ سے روایت ہے کہ جنگِ یمامہ میں صحابہ کی شہادت کے بعد سیدنا ابوبکر صدیق رضی اللہ عنہ نے مجھے بلا بھیجا، وہاں سیدنا عمر بن خطاب رضی اللہ عنہ بھی ان کے پاس موجود تھے۔ سیدنا ابوبکر رضی اللہ عنہ نے فرمایا: ”سیدنا عمر رضی اللہ عنہ میرے پاس آئے اور کہا کہ یمامہ کی جنگ میں قراءِ قرآن کی بڑی تعداد شہید ہو گئی ہے، اور مجھے اندیشہ ہے کہ اگر دیگر مقامات پر بھی قراءِ قرآن اسی طرح شہید ہوتے رہے تو قرآن کا بڑا حصہ ضائع ہو جائے گا، لہٰذا میری رائے یہ ہے کہ آپ قرآن کو جمع کرنے کا حکم صادر فرمائیں۔“ میں نے سیدنا عمر رضی اللہ عنہ سے کہا: ”میں وہ کام کیسے کروں جو رسول اللہ ﷺ نے نہیں کیا؟“ انہوں نے جواب دیا: ”اللہ کی قسم! یہ سراسر خیر اور بھلائی ہے۔“ چنانچہ سیدنا عمر رضی اللہ عنہ مجھ سے اس بارے میں مسلسل رجوع کرتے رہے یہاں تک کہ اللہ تعالیٰ نے اس معاملے کے لیے میرا سینہ کھول دیا اور میری بھی وہی رائے ہو گئی جو سیدنا عمر رضی اللہ عنہ کی تھی۔ سیدنا زید بن ثابت رضی اللہ عنہ بیان کرتے ہیں کہ سیدنا ابوبکر رضی اللہ عنہ نے مجھ سے فرمایا: ”تم ایک سمجھدار نوجوان ہو، ہم تم پر کسی قسم کا شک و شبہ نہیں رکھتے، اور تم رسول اللہ ﷺ کے لیے وحی کی کتابت بھی کرتے رہے ہو، لہٰذا تم قرآن کو تلاش کرو اور اسے ایک جگہ جمع کر دو۔“ سیدنا زید رضی اللہ عنہ فرماتے ہیں: ”اللہ کی قسم! اگر وہ مجھے کسی پہاڑ کو ایک جگہ سے دوسری جگہ منتقل کرنے کا حکم دیتے تو وہ مجھ پر اس سے زیادہ بوجھل نہ ہوتا جتنا قرآن کو جمع کرنے کا یہ حکم تھا۔“ میں نے ان سے پوچھا: ”آپ حضرات وہ کام کیسے کر رہے ہیں جو رسول اللہ ﷺ نے نہیں کیا؟“ انہوں نے جواب دیا: ”اللہ کی قسم! یہ خیر ہی ہے۔“ وہ مجھ سے اصرار کرتے رہے یہاں تک کہ اللہ تعالیٰ نے میرا سینہ بھی اسی بات کے لیے کھول دیا جس کے لیے سیدنا ابوبکر اور سیدنا عمر رضی اللہ عنہما کے سینے کھولے تھے اور میری رائے بھی وہی ہو گئی جو ان دونوں حضرات کی تھی۔ چنانچہ میں نے کھجور کی شاخوں، باریک سفید پتھروں اور لوگوں کے سینوں سے قرآن کو تلاش کر کے جمع کرنا شروع کیا، یہاں تک کہ سورہ توبہ کی آخری آیات مجھے سیدنا خزیمہ بن ثابت انصاری رضی اللہ عنہ کے پاس ملیں: ﴿لَقَدْ جَاءَكُمْ رَسُولٌ مِنْ أَنْفُسِكُمْ عَزِیزٌ عَلَیْہِ مَا عَنِتُّمْ حَرِیصٌ عَلَیْكُمْ بِالْمُؤْمِنِینَ رَءُوفٌ رَّحِیمٌ﴾ سورہ براءت کے اختتام تک۔ پھر وہ مرتب شدہ صحیفے سیدنا ابوبکر رضی اللہ عنہ کی وفات تک ان کے پاس رہے، پھر سیدنا عمر رضی اللہ عنہ کی وفات تک ان کے پاس رہے، اور اس کے بعد سیدہ حفصہ رضی اللہ عنہا کے پاس محفوظ رہے۔