مسند أبي يعلى الموصلي

وَعَنْ أَبِي مُوسَى ، عَنِ النَّبِيِّ - صَلَّى اللهُ عَلَيْهِ وَسَلَّمَ - قَالَ : « إِنَّ مَثَلِي وَمَثَلَ مَا بَعَثَنِي اللهُ بِهِ ، كَمَثَلِ رَجُلٍ أَتَاهُ قَوْمُهُ ، فَقَالَ : يَا قَوْمِ ، إِنِّي رَأَيْتُ الْجَيْشَ ، إِنِّي أَنَا النَّذِيرُ الْعُرْيَانُ ، فَالنَّجَاءَ ! ! فَأَطَاعَهُ طَائِفَةٌ مِنْ قَوْمِهِ فَأَدْلَجُوا ، فَانْطَلَقُوا عَلَى مَهْلِهِمْ ، فَنَجَوْا ، وَكَذَّبَتْ طَائِفَةٌ فَأَصْبَحُوا مَكَانَهُمْ ، فَصَبَّحَهُمُ الْجَيْشُ فَاجْتَاحَهُمْ ، فَذَلِكَ مَثَلُ مَنْ أَطَاعَنِي فَاتَّبَعَ مَا جِئْتُ بِهِ ، وَمَثَلُ مَنْ عَصَانِي وَكَذَّبَ مَا جِئْتُ بِهِ مِنَ الْحَقِّ » .

سیدنا ابوموسیٰ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”میری اور اس (ہدایت و علم) کی مثال جس کے ساتھ اللہ تعالیٰ نے مجھے مبعوث فرمایا ہے، اس شخص کی سی ہے جو اپنی قوم کے پاس آیا اور کہنے لگا: اے میری قوم! میں نے (دشمن کے) لشکر کو اپنی آنکھوں سے دیکھا ہے اور میں تمہیں بالکل برہنہ ہو کر خبردار کرنے والا (صاف صاف ڈرانے والا) ہوں، لہٰذا اپنی جانیں بچاؤ! چنانچہ اس کی قوم کے ایک گروہ نے اس کی بات مان لی اور وہ اولِ شب ہی میں وہاں سے روانہ ہو گئے اور اپنی منزل کی طرف اطمینان سے چل پڑے، پس انہوں نے نجات پالی؛ جبکہ دوسرے گروہ نے اسے جھٹلا دیا اور وہ اپنے ٹھکانوں ہی میں ٹھہرے رہے، تو صبح ہوتے ہی اس لشکر نے ان پر دھاوا بول دیا اور انہیں جڑ سے مٹا ڈالا۔ پس یہی مثال ہے اس شخص کی جس نے میری اطاعت کی اور اس دین کی پیروی کی جو میں لے کر آیا ہوں، اور اس شخص کی مثال ہے جس نے میری نافرمانی کی اور اس حق کو جھٹلا دیا جسے میں لے کر مبعوث ہوا ہوں۔“