مسند أبي يعلى الموصلي

حَدَّثَنَا أَبُو كُرَيْبٍ ، حَدَّثَنَا يَحْيَى بْنُ بُرَيْدٍ ، حَدَّثَنَا عَبْدُ الرَّحْمَنِ بْنُ سَعِيدٍ ، عَنْ أَبِيهِ سَعِيدِ بْنِ أَبِي بُرْدَةَ ، عَنْ أَبِي بُرْدَةَ قَالَ : وَفَدَ إِلَى عُمَرَ - أَوْ إِلَى سُلَيْمَانَ - قَالَ : فَقَضَى حَوَائِجَهُ ، حَتَّى إِذَا كَانَ فِي بَعْضِ اللَّيْلِ قَالَ : قُمْ ، قَالَ : فَقُمْتُ ، فَانْطَلَقَ إِلَى بَابِ الْوَالِي فَدَقَّهُ . قَالَ : فَقَالَ الْحَاجِبُ : مَنْ هَذَا ؟ قَالَ أَبُو بُرْدَةَ : اسْتَأْذِنْ لِي عَلَيْهِ . قَالَ : فَدَخَلَ ، قَالَ : أَعْلِمْهُ مَكَانِي ، فَأَعَلَمَهُ ، فَخَرَجَ إِلَيْهِ ، فَأَذِنَ لَهُ . قَالَ : خَيْرٌ يَا أَبَا بُرْدَةَ ؟ قَالَ : خَيْرٌ . قَالَ : حَاجَتَكَ ؟ قَالَ : قَدْ فَرَغْتُ مِنْ حَوَائِجِي ، ذَكَرْتُ حَدِيثًا :
حَدَّثَنِي أَبِي قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : « إِذَا جَمَعَ اللهُ الْخَلَائِقَ لِلْحِسَابِ ، أُتِيَ بِيَهُودِيٍّ ، أَوْ نَصْرَانِيٍّ ، قِيلَ : يَا مُؤْمِنُ ، هَذَا فِدَاؤُكَ مِنَ النَّارِ » قَالَ : أَنْتَ سَمِعْتَهُ ؟ قَالَ : سَمِعْتُهُ مِنْ أَبِي .

ابو بردہ رحمہ اللہ سے روایت ہے کہ وہ عمر (بن عبدالعزیز) یا سلیمان (بن عبدالملک) کے پاس وفد لے کر آئے، انہوں نے ان کی تمام ضروریات پوری کر دیں، حتیٰ کہ جب رات کا کچھ حصہ گزر گیا تو انہوں نے کہا: ”اٹھو“، وہ کہتے ہیں کہ میں اٹھا اور حاکم کے دروازے پر پہنچ کر دستک دی، دربان نے پوچھا: ”کون ہے؟“ ابو بردہ رحمہ اللہ نے کہا: ”میرے لیے اندر آنے کی اجازت طلب کرو“، چنانچہ وہ اندر داخل ہوئے اور کہا: ”انہیں میری موجودگی کی اطلاع دو“، اس نے اطلاع دی تو وہ باہر تشریف لائے اور انہیں اندر آنے کی اجازت دی اور پوچھا: ”اے ابو بردہ! سب خیریت ہے؟“ انہوں نے عرض کیا: ”سب خیر ہے، میں اپنی ضروریات سے تو فارغ ہو چکا تھا مگر مجھے ایک حدیث یاد آئی جو مجھے میرے والد (سیدنا ابو موسیٰ اشعری رضی اللہ عنہ) نے سنائی تھی کہ رسول اللہ ﷺ نے فرمایا: ”جب اللہ تعالیٰ حساب کے لیے مخلوقات کو جمع فرمائے گا تو ایک یہودی یا عیسائی کو لایا جائے گا اور (کسی) مومن سے کہا جائے گا: یہ آگ سے تمہارا فدیہ (اور چھٹکارے کا بدلہ) ہے“، حاکم نے پوچھا: ”کیا واقعی آپ نے اسے خود سنا ہے؟“ انہوں نے جواب دیا: ”جی ہاں، میں نے اسے اپنے والد سے سنا ہے“۔