مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا جَرِيرٌ ، عَنْ يَزِيدَ بْنِ أَبِي زِيَادٍ ، عَنْ يَزِيدَ بْنِ الْأَصَمِّ ، عَنْ خَالَتِهِ مَيْمُونَةَ ، قَالَتْ : أُهْدِيَ لَنَا ضَبٌّ ، قَالَتْ : فَأَتَاهَا رَجُلَانِ مِنْ قَوْمِهَا فَأَمَرَتْ بِهِ ، فَصُنِعَ ثُمَّ قَرَّبَتْهُ إِلَيْهِمَا ، قَالَتْ : فَجَاءَنِي النَّبِيُّ - صَلَّى اللهُ عَلَيْهِ وَسَلَّمَ - وَهُمَا يَأْكُلَانِ فَرَحَّبَ بِهِمَا ، ثُمَّ أَخَذَ يَأْكُلُ ، فَلَمَّا أَخَذَ اللُّقْمَةَ إِلَى فِيهِ قَالَ : مَا هَذَا ؟ قَالَتْ : ضَبٌّ أُهْدِيَ لَنَا ، قَالَتْ : فَوَضَعَ اللُّقْمَةَ ، فَأَرَادَ الرَّجُلَانِ أَنْ يَطْرَحَا مَا فِي أَفْوَاهِهِمَا ، فَقَالَ رَسُولُ اللهِ - صَلَّى اللهُ عَلَيْهِ وَسَلَّمَ - : لَا تَفْعَلَا ، إِنَّكُمْ أَهْلَ نَجْدٍ تَأْكُلُونَهَا ، وَإِنَّا أَهْلَ تِهَامَةَ نَعَافُهَا .

یزید بن الاصم رحمہ اللہ اپنی خالہ سیدہ میمونہ رضی اللہ عنہا سے روایت کرتے ہیں کہ انہوں نے بیان کیا: ”ہمیں ایک گوہ (صحرائی چھپکلی) ہدیہ کی گئی تھی“، وہ فرماتی ہیں کہ ان کی قوم کے دو آدمی ان کے پاس آئے تو انہوں نے اس کے متعلق حکم دیا چنانچہ اسے تیار کیا گیا اور پھر انہوں نے اسے ان دونوں کے سامنے پیش کر دیا، سیدہ میمونہ رضی اللہ عنہا فرماتی ہیں: ”پھر نبی کریم ﷺ میرے پاس تشریف لائے جبکہ وہ دونوں کھانا کھا رہے تھے، آپ ﷺ نے انہیں خوش آمدید کہا، پھر آپ ﷺ نے بھی کھانے کے لیے ہاتھ بڑھایا، لیکن جب لقمہ اپنے دہنِ مبارک کے قریب لے گئے تو دریافت فرمایا: «مَا هَذَا؟» ”یہ کیا ہے؟“، انہوں نے عرض کی کہ یہ گوہ ہے جو ہمیں ہدیہ دی گئی تھی، سیدہ میمونہ رضی اللہ عنہا فرماتی ہیں کہ آپ ﷺ نے وہ لقمہ (کھائے بغیر) رکھ دیا، تو ان دونوں آدمیوں نے بھی یہ ارادہ کیا کہ جو لقمہ ان کے منہ میں ہے اسے باہر نکال دیں، اس پر رسول اللہ ﷺ نے ارشاد فرمایا: «لَا تَفْعَلَا إِنَّكُمْ أَهْلَ نَجْدٍ تَأْكُلُونَهَا وَإِنَّا أَهْلَ تِهَامَةَ نَعَافُهَا» ”تم دونوں ایسا مت کرو، تم لوگ اہلِ نجد ہو اور اسے کھاتے ہو، جبکہ ہم اہلِ تہامہ ہیں اور ہمیں اس سے کراہت ہوتی ہے (یعنی یہ ہمارے علاقے کی مرغوب غذا نہیں ہے)“۔“