مسند أبي يعلى الموصلي

حَدَّثَنَا زُهَيْرٌ، حَدَّثَنَا هَاشِمُ بْنُ الْقَاسِمِ، حَدَّثَنَا اللَّيْثُ بْنُ سَعْدٍ، عَنِ ابْنِ شِهَابٍ، عَنْ عُرْوَةَ بْنِ الزُّبَيْرِ، عَنْ عَبْدِ اللَّهِ بْنِ الزُّبَيْرِ قَالَ: خَاصَمَ رَجُلٌ مِنَ الْأَنْصَارِ إِلَى رَسُولِ اللَّهِ صلى الله عليه وسلم فِي شِرَاجِ الْحَرَّةِ الَّتِي يَسْقُونَ بِهَا النَّخْلَ، فَقَالَ الْأَنْصَارِيُّ لِلزُّبَيْرِ: سَرِّحِ الْمَاءَ فَأَبَى، فَكَلَّمَ بِهِ رَسُولَ اللَّهِ، قَالَ رَسُولُ اللَّهِ صلى الله عليه وسلم: «اسْقِ يَا زُبَيْرُ، ثُمَّ أَرْسِلْ إِلَى جَارِكَ». قَالَ: فَغَضِبَ الْأَنْصَارِيُّ، فَقَالَ: يَا رَسُولَ اللَّهِ، أَنْ كَانَ ابْنَ عَمَّتِكَ؟ فَتَلَوَّنَ وَجْهُ رَسُولِ اللَّهِ صلى الله عليه وسلم، ثُمَّ قَالَ: «يَا زُبَيْرُ، اسْقِ، وَاحْبِسِ الْمَاءَ حَتَّى يَرْجِعَ إِلَى الْجَدْرِ». قَالَ الزُّبَيْرُ: وَاللَّهِ إِنِّي لَأَحْسَبُ الْآيَةَ نَزَلَتْ فِي أُولَئِكَ {فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ} [النساء: 65]- إِلَى قَوْلِهِ : - {وَيُسَلِّمُوا تَسْلِيمًا} [النساء: 65]

سیدنا عبداللہ بن زبیر رضی اللہ عنہ سے روایت ہے کہ ایک انصاری شخص کا سیدنا زبیر رضی اللہ عنہ سے حرہ (مدینہ کی پتھریلی زمین) کے ان نالوں کے بارے میں جھگڑا ہو گیا جن سے کھجور کے باغات کو سیراب کیا جاتا تھا، انصاری نے سیدنا زبیر رضی اللہ عنہ سے مطالبہ کیا کہ ”پانی (آگے) چھوڑ دو“ مگر انہوں نے انکار کر دیا، پھر وہ یہ مقدمہ رسول اللہ ﷺ کے پاس لے گئے تو رسول اللہ ﷺ نے (صلح کے طور پر) فرمایا: «اسْقِ يَا زُبَيْرُ، ثُمَّ أَرْسِلْ إِلَى جَارِكَ» ”اے زبیر! پہلے تم سیراب کر لو، پھر پانی اپنے پڑوسی کی طرف چھوڑ دینا“، اس پر وہ انصاری غصے میں آ گیا اور کہنے لگا: ”اے اللہ کے رسول! کیا (یہ فیصلہ اس لیے ہے) کہ وہ آپ کے پھوپھی زاد ہیں؟“ یہ سن کر رسول اللہ ﷺ کے رخِ مبارک کا رنگ بدل گیا اور آپ ﷺ نے (پھر مکمل قانونی حق دیتے ہوئے) فرمایا: «يَا زُبَيْرُ، اسْقِ، وَاحْبِسِ الْمَاءَ حَتَّى يَرْجِعَ إِلَى الْجَدْرِ» ”اے زبیر! اب تم خود سیراب کرو اور پانی کو اس وقت تک روکے رکھو جب تک وہ منڈیروں تک نہ پہنچ جائے“، سیدنا زبیر رضی اللہ عنہ فرماتے ہیں کہ اللہ کی قسم! میرا گمان یہی ہے کہ یہ آیت اسی واقعہ کے بارے میں نازل ہوئی تھی کہ ﴿فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ﴾ ”پس تمہارے رب کی قسم! یہ لوگ ہرگز مومن نہیں ہوسکتے جب تک کہ اپنے باہمی تنازعات میں آپ کو حکم (فیصلہ کرنے والا) نہ تسلیم کرلیں“ سے لے کر اللہ تعالیٰ کے اس ارشاد ﴿وَيُسَلِّمُوا تَسْلِيمًا﴾ ”اور (آپ کے فیصلے کو) پوری طرح شرحِ صدر کے ساتھ تسلیم نہ کر لیں“ تک۔