مسند أبي يعلى الموصلي

حَدَّثَنَا زُهَيْرٌ ، حَدَّثَنَا يَعْقُوبُ ، حَدَّثَنَا أَبِي ، عَنْ أَبِيهِ ، أَنَّ عُرْوَةَ بْنَ الزُّبَيْرِ حَدَّثَهُ ، أَنَّ عَائِشَةَ حَدَّثَتْهُ ، أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - دَعَا بِنْتَهُ فَاطِمَةَ ، فَسَارَّهَا فَبَكَتْ ، ثُمَّ سَارَّهَا فَضَحِكَتْ ، قَالَتْ عَائِشَةُ : فَقُلْتُ لِفَاطِمَةَ : مَا هَذَا الَّذِي سَارَّكِ بِهِ رَسُولُ اللهِ - صَلَّى اللهُ عَلَيْهِ وَسَلَّمَ - فَبَكَيْتِ ، ثُمَّ سَارَّكِ فَضَحِكْتِ ؟ قَالَتْ : سَارَّنِي فَأَخْبَرَنِي بِمَوْتِهِ ، فَبَكَيْتُ ، ثُمَّ سَارَّنِي فَأَخْبَرَنِي أَنِّي أَوَّلُ مَنْ يَتْبَعُهُ مِنْ أَهْلِهِ ، فَضَحِكْتُ .

سیدہ عائشہ رضی اللہ عنہا سے روایت ہے کہ ”رسول اللہ ﷺ نے اپنی صاحبزادی سیدہ فاطمہ رضی اللہ عنہا کو طلب فرمایا اور ان سے سرگوشی کی تو وہ رونے لگیں، پھر دوبارہ ان سے سرگوشی فرمائی تو وہ ہنس دیں؛ سیدہ عائشہ رضی اللہ عنہا فرماتی ہیں کہ میں نے سیدہ فاطمہ رضی اللہ عنہا سے دریافت کیا کہ رسول اللہ ﷺ نے آپ سے ایسی کیا بات پوشیدہ طور پر فرمائی تھی جس پر آپ پہلے روئیں اور پھر ہنس دیں؟ تو انہوں نے جواب دیا: ”آپ ﷺ نے مجھ سے سرگوشی فرماتے ہوئے اپنی وفات کی خبر دی تو میں (غم سے) رونے لگی، پھر دوبارہ سرگوشی فرمائی اور مجھے بتایا کہ ان کے اہل خانہ میں سب سے پہلے میں ان کے پیچھے (وفات پا کر) ان سے جا ملوں گی، تو میں (اس بشارت پر) ہنس پڑی۔““