مسند أبي يعلى الموصلي

وَبِإِسْنَادِهِ قَالَ : قَالَ رَسُولُ اللهِ - صَلَّى اللهُ عَلَيْهِ وَسَلَّمَ - : إِنَّ اللهَ إِذَا أَحَبَّ عَبْدًا قَالَ : يَا جِبْرِيلُ إِنِّي أُحِبُّ فُلَانًا فَأَحِبَّهُ قَالَ : فَيَقُولُ جِبْرِيلُ لِأَهْلِ السَّمَاءِ : إِنَّ رَبَّكُمْ يُحِبُّ فُلَانًا فَأَحِبُّوهُ ، فَيُحِبُّهُ أَهْلُ السَّمَاءِ ، قَالَ : وَيُوضَعُ لَهُ الْقَبُولُ فِي الْأَرْضِ .
قَالَ : وَإِذَا أَبْغَضَ ، فَمِثْلُ ذَلِكَ .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”اللہ تعالیٰ جب کسی بندے سے محبت فرماتا ہے تو سیدنا جبریل علیہ السلام کو ندا دیتا ہے کہ میں فلاں شخص سے محبت کرتا ہوں، لہٰذا تم بھی اس سے محبت کرو، چنانچہ سیدنا جبریل علیہ السلام اس سے محبت کرنے لگتے ہیں، پھر وہ آسمان والوں میں منادی کر دیتے ہیں کہ تمہارا رب فلاں شخص سے محبت فرماتا ہے، تم بھی اس سے محبت کرو، پس تمام آسمان والے اس سے محبت کرنے لگتے ہیں، پھر زمین میں بھی اس کے لیے مقبولیت و ہردلعزیزی رکھ دی جاتی ہے، اور جب اللہ تعالیٰ کسی بندے سے بغض رکھتا ہے تو اسی طرح کا معاملہ فرماتا ہے۔“