مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا مُعَلَّى بْنُ مَنْصُورٍ ، حَدَّثَنَا أَبُو زُبَيْدٍ عَبْثَرُ بْنُ الْقَاسِمِ ، حَدَّثَنَا مُطَرِّفٌ ، عَنْ عَامِرٍ ، عَنْ يَحْيَى بْنِ طَلْحَةَ قَالَ : رَأَى عُمَرُ طَلْحَةَ بْنَ عُبَيْدِ اللهِ حَزِينًا ، فَقَالَ : مَا لَكَ ؟ قَالَ : إِنِّي سَمِعْتُ رَسُولَ اللهِ - صَلَّى اللهُ عَلَيْهِ وَسَلَّمَ - يَقُولُ : « إِنِّي لَأَعْلَمُ كَلِمَاتٍ لَا يَقُولُهُنَّ عَبْدٌ عِنْدَ الْمَوْتِ إِلَّا نُفِّسَ عَنْهُ ، وَأَشْرَقَ لَوْنُهُ ، وَرَأَى مَا يَسُرُّهُ » فَمَا مَنَعَنِي أَنْ أَسْأَلَهُ عَنْهَا إِلَّا الْقُدْرَةُ عَلَيْهَا ، فَقَالَ عُمَرُ : إِنِّي لَأَعْلَمُ مَا هِيَ ، قَالَ طَلْحَةُ : مَا هِيَ ؟ قَالَ : هَلْ تَعْلَمُ كَلِمَةً هِيَ أَفْضَلُ مِنْ كَلِمَةٍ دَعَا إِلَيْهَا رَسُولُ اللهِ - صَلَّى اللهُ عَلَيْهِ وَسَلَّمَ - عَمَّهُ عِنْدَ الْمَوْتِ ؟ قَالَ طَلْحَةُ : هِيَ وَاللهِ هِيَ ، قَالَ عُمَرُ : لَا إِلَهَ إِلَّا اللهُ .

یحییٰ بن طلحہ رحمہ اللہ بیان کرتے ہیں کہ سیدنا عمر رضی اللہ عنہ نے سیدنا طلحہ بن عبید اللہ رضی اللہ عنہ کو رنجیدہ دیکھا تو دریافت فرمایا: ”آپ کو کیا ہوا ہے؟“ انہوں نے عرض کیا: ”میں نے رسول اللہ ﷺ کو یہ فرماتے ہوئے سنا تھا: ”میں یقیناً چند ایسے کلمات جانتا ہوں کہ جو بندہ بھی انہیں موت کے وقت کہے گا تو اس کی گھبراہٹ دور کر دی جائے گی، اس کا رنگ روشن ہو جائے گا اور وہ (جنت کے) ان مناظر کو دیکھ لے گا جو اسے خوش کر دیں گے“، پس مجھے ان کلمات کے متعلق آپ ﷺ سے دریافت کرنے سے اس وقت کے حالات اور موقع نہ مل سکنے نے ہی محروم رکھا“، اس پر سیدنا عمر رضی اللہ عنہ نے فرمایا: ”بلاشبہ میں جانتا ہوں کہ وہ کلمات کیا ہیں“، سیدنا طلحہ رضی اللہ عنہ نے پوچھا: ”وہ کیا ہیں؟“ سیدنا عمر رضی اللہ عنہ نے فرمایا: ”کیا آپ کسی ایسے کلمے کو جانتے ہیں جو اس کلمے سے افضل ہو جس کی دعوت رسول اللہ ﷺ نے اپنے چچا کو ان کی وفات کے وقت دی تھی؟“ سیدنا طلحہ رضی اللہ عنہ نے عرض کیا: ”اللہ کی قسم! وہ یہی کلمہ ہے“، تب سیدنا عمر رضی اللہ عنہ نے فرمایا: ”(وہ کلمہ) «لَا إِلَهَ إِلَّا اللَّهُ» ”اللہ کے سوا کوئی معبودِ برحق نہیں“ (ہے۔)“