مسند أبي يعلى الموصلي

حَدَّثَنَا سُوَيْدُ بْنُ سَعِيدٍ ، حَدَّثَنَا عَبْدُ اللهِ بْنُ رَجَاءٍ ، عَنْ عُبَيْدِ اللهِ بْنِ عُمَرَ ، عَنِ الْمَقْبُرِيِّ ، عَنْ أَبِي هُرَيْرَةَ ، قَالَ : قَالَ - صَلَّى اللهُ عَلَيْهِ وَسَلَّمَ - : مَنِ اغْتَسَلَ يَوْمَ الْجُمُعَةِ وَلَبِسَ مِنْ أَحْسَنِ ثِيَابِهِ وَغَدَا وَابْتَكَرَ حَتَّى يَأْتِيَ ، فَاسْتَمَعَ وَأَنْصَتَ ، غُفِرَ لَهُ مَا بَيْنَهُ وَبَيْنَ الْجُمُعَةِ الْأُخْرَى . قَالَ : فَحَدَّثْتُ أَبَا بَكْرٍ عَمْرَو بْنَ حَزْمٍ بِهَذَا ، فَقَالَ : وَزِيَادَةَ أَرْبَعَةِ أَيَّامٍ .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”جس شخص نے جمعہ کے دن غسل کیا، اپنے بہترین لباس میں سے پہنا اور اول وقت میں تندہی کے ساتھ مسجد کی طرف روانہ ہوا یہاں تک کہ وہ مسجد پہنچ گیا، پھر اس نے غور سے خطبہ سنا اور خاموش رہا، تو اس کے اس جمعہ اور دوسرے جمعہ کے درمیانی گناہوں کی مغفرت کر دی جاتی ہے“۔ (راویِ حدیث سعید مقبری رحمہ اللہ کہتے ہیں کہ) میں نے یہ حدیث ابوبکر عمرو بن حزم رحمہ اللہ کو سنائی تو انہوں نے فرمایا: ”اور مزید چار دنوں کا اضافہ بھی ہے “۔