مسند أبي يعلى الموصلي

حَدَّثَنَا أَبُو خَيْثَمَةَ ، حَدَّثَنَا وَكِيعٌ ، حَدَّثَنَا الْأَعْمَشُ ، عَنْ سَعْدِ بْنِ عُبَيْدَةَ ، عَنْ أَبِي عَبْدِ الرَّحْمَنِ السُّلَمِيِّ ، عَنْ عَلِيٍّ ، قَالَ : اسْتَعْمَلَ النَّبِيُّ صَلَّى اللهُ عَلَيْهِ وَسَلَّمَ رَجُلًا مِنَ الْأَنْصَارِ عَلَى سَرِيَّةٍ بَعَثَهُمْ ، وَأَمَرَهُمْ أَنْ يَسْمَعُوا لَهُ وَيُطِيعُوا ، قَالَ : فَأَغْضَبُوهُ فِي شَيْءٍ ، فَقَالَ : اجْمَعُوا لِي حَطَبًا ، فَجَمَعُوا ، فَقَالَ : أَوْقِدُوا نَارًا ، فَأَوْقَدُوا ، ثُمَّ قَالَ : أَلَمْ يَأْمُرْكُمْ رَسُولُ اللهِ صَلَّى اللهُ عَلَيْهِ وَسَلَّمَ أَنْ تَسْمَعُوا لِي وَتُطِيعُوا ؟ قَالُوا : بَلَى ، قَالَ : فَادْخُلُوهَا ، قَالَ : فَنَظَرَ بَعْضُهُمْ إِلَى بَعْضٍ ، وَقَالُوا : إِنَّمَا فَرَرْنَا إِلَى رَسُولِ اللهِ صَلَّى اللهُ عَلَيْهِ وَسَلَّمَ مِنَ النَّارِ ، قَالَ : فَسَكَنَ غَضَبُهُ ، وَطُفِئَتِ النَّارُ ، فَلَمَّا قَدِمُوا عَلَى رَسُولِ اللهِ صَلَّى اللهُ عَلَيْهِ وَسَلَّمَ ذَكَرُوا لَهُ ذَلِكَ ، فَقَالَ : لَوْ دَخَلُوهَا مَا خَرَجُوا مِنْهَا ، إِنَّمَا الطَّاعَةُ فِي الْمَعْرُوفِ .

سیدنا علی رضی اللہ عنہ سے روایت ہے کہ نبی کریم ﷺ نے ایک انصاری شخص کو ایک مختصر سے لشکر کا امیر بنا کر روانہ کیا اور لوگوں کو حکم دیا کہ وہ ان کی بات سنیں اور اطاعت کریں؛ چنانچہ کسی بات پر ان لوگوں نے امیر کو غصہ دلا دیا، جس پر امیر نے کہا: ”میرے لیے لکڑیاں جمع کرو“، تو لوگوں نے لکڑیاں جمع کیں، پھر انہوں نے کہا: ”آگ جلاؤ“، تو لوگوں نے آگ جلا دی، اس کے بعد امیر نے کہا: ”کیا رسول اللہ ﷺ نے تمہیں میری بات سننے اور ماننے کا حکم نہیں دیا تھا؟“ لوگوں نے عرض کیا: ”جی ہاں (دیا تھا)“، تو امیر نے حکم دیا: ”پھر اس آگ میں داخل ہو جاؤ“، سیدنا علی رضی اللہ عنہ بیان کرتے ہیں کہ (یہ سن کر) لوگ ایک دوسرے کی طرف دیکھنے لگے اور کہنے لگے: ”ہم تو آگ ہی سے بھاگ کر رسول اللہ ﷺ کی پناہ میں آئے ہیں (پھر آگ میں کیسے کودیں؟)“، اتنے میں امیر کا غصہ ٹھنڈا ہو گیا اور آگ بھی بجھ گئی، پھر جب وہ لوگ رسول اللہ ﷺ کی خدمت میں پہنچے اور آپ سے سارا واقعہ بیان کیا تو آپ ﷺ نے ارشاد فرمایا: ”اگر وہ لوگ اس آگ میں داخل ہو جاتے تو پھر اس سے کبھی نہ نکل پاتے، یاد رکھو! اطاعت صرف معروف (بھلے کاموں) میں ہی واجب ہے۔“