مسند أبي يعلى الموصلي

حَدَّثَنَا زُهَيْرٌ ، حَدَّثَنَا وَكِيعٌ ، حَدَّثَنَا الْأَعْمَشُ ، عَنْ مُسْلِمٍ الْبَطِينِ ، عَنْ عَلِيِّ بْنِ الْحُسَيْنِ ، عَنْ مَرْوَانَ بْنِ الْحَكَمِ ، قَالَ : كُنَّا نَسِيرُ مَعَ عُثْمَانَ فَسَمِعَ رَجُلًا يُلَبِّي بِهِمَا جَمِيعًا ، فَقَالَ : مَنْ هَذَا ؟ قَالُوا : عَلِيٌّ ، قَالَ : أَلَمْ تَعْلَمْ أَنِّي قَدْ نَهَيْتُ عَنْ هَذَا ؟ قَالَ : بَلَى ، وَلَكِنْ لَمْ أَكُنْ لِأَدَعَ قَوْلَ رَسُولِ اللهِ صَلَّى اللهُ عَلَيْهِ وَسَلَّمَ لِقَوْلِكَ .

مروان بن الحکم سے روایت ہے کہ ہم سیدنا عثمان رضی اللہ عنہ کے ہمراہ سفر کر رہے تھے کہ انہوں نے ایک شخص کو حج اور عمرہ دونوں کا اکٹھا تلبیہ پکارتے ہوئے سنا تو دریافت فرمایا: ”یہ کون ہے؟“ لوگوں نے عرض کیا: ”یہ سیدنا علی رضی اللہ عنہ ہیں“، سیدنا عثمان رضی اللہ عنہ نے (ان سے) فرمایا: ”کیا آپ کو علم نہیں کہ میں نے اس عمل سے منع کیا ہے؟“ تو سیدنا علی رضی اللہ عنہ نے جواب دیا: ”کیوں نہیں، لیکن میں آپ کی بات کی وجہ سے رسول اللہ ﷺ کے فرمان کو ہرگز ترک کرنے والا نہیں ہوں۔“