مسند أبي يعلى الموصلي

حَدَّثَنَا بِشْرُ بْنُ سَيْحَانَ ، حَدَّثَنَا حَرْبُ بْنُ مَيْمُونٍ ، حَدَّثَنَا هِشَامُ بْنُ حَسَّانَ ، عَنْ مُحَمَّدِ بْنِ سِيرِينَ .
عَنْ أَبِي هُرَيْرَةَ ، قَالَ : عَادَ رَسُولُ اللهِ صَلَّى اللهُ عَلَيْهِ وَسَلَّمَ بِلَالًا ، فَأَخْرَجَ إِلَيْهِ صُبَرًا مِنْ تَمْرٍ ، فَقَالَ : مَا هَذَا يَا بِلَالُ ؟ .
قَالَ : تَمْرٌ ادَّخَرْتُهُ يَا رَسُولَ اللهِ .
قَالَ : أَمَا خِفْتَ أَنْ تَسْمَعَ لَهُ بُخَارًا فِي جَهَنَّمَ ؟ أَنْفِقْ بِلَالُ ، وَلَا تَخَافَنَّ مِنْ ذِي الْعَرْشِ إِقْلَالًا .

سیدنا ابوہریرہ رضی اللہ عنہ سے روایت ہے کہ رسول اللہ ﷺ نے سیدنا بلال رضی اللہ عنہ کی بیمار پرسی فرمائی تو انہوں نے آپ ﷺ کے سامنے کھجوروں کے کچھ ڈھیر پیش کیے، آپ ﷺ نے دریافت فرمایا: ”اے بلال! یہ کیا ہے؟“ انہوں نے عرض کی: اللہ کے رسول! یہ وہ کھجوریں ہیں جو میں نے (مستقبل کے لیے) ذخیرہ کر رکھی ہیں، آپ ﷺ نے ارشاد فرمایا: ”کیا تم اس بات سے نہیں ڈرتے کہ جہنم کی آگ میں اس کی وجہ سے تمہارے لیے تپش اور دھواں اٹھے؟ اے بلال! (اللہ کی راہ میں) خرچ کرو اور صاحبِ عرش کی جانب سے کسی قسم کی تنگی و مفلسی کا اندیشہ نہ کرو۔“