مسند أبي يعلى الموصلي

حَدَّثَنَا سُوَيْدٌ ، أَخْبَرَنَا الْوَلِيدُ بْنُ مُحَمَّدٍ ، عَنِ الزُّهْرِيِّ ، حَدَّثَنِي سَالِمٌ ، أَنَّهُ سَمِعَ أَبَاهُ يُحَدِّثُ أَنَّ عُمَرَ لَمَّا تَأَيَّمَتْ حَفْصَةُ مِنِ ابْنِ حُذَافَةَ .
قَالَ عُمَرُ : لَقِيتُ عُثْمَانَ فَعَرَضْتُ عَلَيْهِ حَفْصَةَ ، قَالَ : سَأَنْظُرُ فِي أَمْرِي ، فَلَبِثْتُ لَيَالِيَ ثُمَّ لَقِيَنِي ، فَقَالَ : قَدْ بَدَا لِي أَنْ لَا أَتَزَوَّجَ يَوْمِي هَذَا ، قَالَ عُمَرُ : فَلَقِيتُ أَبَا بَكْرٍ ، فَقُلْتُ : أُنْكِحُكَ حَفْصَةَ ، فَلَمْ يَرْجِعْ إِلَيَّ شَيْئًا ، فَكُنْتُ عَلَيْهِ أَوْجَدَ مِنِّي عَلَى عُثْمَانَ ، فَلَبِثْتُ لَيَالِيَ ثُمَّ خَطَبَهَا رَسُولُ اللهِ صَلَّى اللهُ عَلَيْهِ وَسَلَّمَ ، فَأَنْكَحْتُهُ إِيَّاهَا ، فَلَقِيَنِي أَبُو بَكْرٍ ، فَقَالَ : لَعَلَّكَ وَجَدْتَ عَلَيَّ حِينَ عَرَضْتَ حَفْصَةَ ؟ قَالَ : نَعَمْ ، قَالَ : لَمْ يَمْنَعْنِي أَنْ أَرْجِعَ إِلَيْكَ إِلَّا أَنَّنِي كُنْتُ عَلِمْتُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ ذَكَرَهَا ، فَلَمْ أَكُنْ لِأُفْشِيَ سِرَّ رَسُولِ اللهِ صَلَّى اللهُ عَلَيْهِ وَسَلَّمَ ، وَلَوْ تَرَكَهَا قَبِلْتُهَا .
قَالَ عُمَرُ : فَشَكَوْتُ عُثْمَانَ إِلَى رَسُولِ اللهِ صَلَّى اللهُ عَلَيْهِ وَسَلَّمَ ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ : تَزَوَّجَ حَفْصَةَ خَيْرٌ مِنْ عُثْمَانَ ، وَتَزَوَّجَ عُثْمَانُ خَيْرًا مِنْ حَفْصَةَ ، فَزَوَّجَهُ النَّبِيُّ صَلَّى اللهُ عَلَيْهِ وَسَلَّمَ ابْنَتَهُ .

سیدنا عبداللہ بن عمر رضی اللہ عنہما سے روایت ہے کہ جب سیدہ حفصہ رضی اللہ عنہا ابنِ حذافہ کے انتقال کے بعد بیوہ ہوئیں، تو سیدنا عمر بن خطاب رضی اللہ عنہ نے فرمایا کہ ”میں سیدنا عثمان بن عفان رضی اللہ عنہ سے ملا اور ان کے سامنے سیدہ حفصہ رضی اللہ عنہا (کے نکاح) کی پیشکش رکھی، جس پر انہوں نے کہا کہ میں اپنے اس معاملے میں غور کروں گا، پھر میں چند راتیں ٹھہرا رہا یہاں تک کہ وہ مجھے ملے اور کہنے لگے کہ میرے لیے یہی ظاہر ہوا ہے کہ میں فی الحال ان دنوں میں نکاح نہیں کروں گا۔“ سیدنا عمر رضی اللہ عنہ کہتے ہیں کہ ”پھر میں سیدنا ابوبکر صدیق رضی اللہ عنہ سے ملا اور میں نے عرض کیا کہ میں سیدہ حفصہ رضی اللہ عنہا کا نکاح آپ سے کرنا چاہتا ہوں، لیکن انہوں نے مجھے کوئی جواب نہ دیا، جس کی وجہ سے میں ان پر سیدنا عثمان رضی اللہ عنہ کی نسبت زیادہ رنجیدہ ہوا، پھر میں مزید چند راتیں ٹھہرا رہا کہ رسول اللہ ﷺ نے انہیں نکاح کا پیغام بھیجا اور میں نے ان کا نکاح آپ ﷺ سے کر دیا۔ اس کے بعد سیدنا ابوبکر صدیق رضی اللہ عنہ مجھ سے ملے اور دریافت کیا کہ شاید آپ کو مجھ پر ملال ہوا ہو گا جب آپ نے سیدہ حفصہ رضی اللہ عنہا کی پیشکش کی تھی؟ میں نے کہا کہ جی ہاں! تو انہوں نے فرمایا کہ مجھے آپ کی بات کا جواب دینے سے صرف اس بات نے روکا تھا کہ مجھے علم ہو چکا تھا کہ رسول اللہ ﷺ نے ان کا تذکرہ فرمایا ہے، اور میں رسول اللہ ﷺ کے راز کو فاش نہیں کرنا چاہتا تھا، اور اگر رسول اللہ ﷺ ان کا ارادہ ترک فرما دیتے تو میں ضرور ان سے نکاح کر لیتا۔“ سیدنا عمر رضی اللہ عنہ فرماتے ہیں کہ ”میں نے رسول اللہ ﷺ سے سیدنا عثمان رضی اللہ عنہ کی شکایت کی تو رسول اللہ ﷺ نے ارشاد فرمایا کہ ”حفصہ سے وہ نکاح کرے گا جو عثمان سے بہتر ہے، اور عثمان اس سے نکاح کرے گا جو حفصہ سے بہتر ہے۔“ چنانچہ پھر نبی اکرم ﷺ نے اپنی صاحبزادی کا نکاح سیدنا عثمان رضی اللہ عنہ سے کر دیا۔“