مسند أبي يعلى الموصلي

حَدَّثَنَا أَبُو خَيْثَمَةَ، حَدَّثَنَا يَزِيدُ بْنُ هَارُونَ، أَخْبَرَنِي الْعَوَّامُ بْنُ حَوْشَبٍ، حَدَّثَنِي جَبَلَةُ بْنُ سُحَيْمٍ، عَنْ مُؤْثِرِ بْنِ غَفَارَةَ، عَنْ عَبْدِ اللَّهِ قَالَ: " لَمَّا كَانَ لَيْلَةُ أُسْرِيَ بِالنَّبِيِّ صلى الله عليه وسلم، لَقِيَ إِبْرَاهِيمَ، وَمُوسَى، وَعِيسَى صَلَوَاتُ اللَّهِ عَلَيْهِمْ فَتَذَاكَرُوا السَّاعَةَ، مَتَى هِيَ؟ فَبَدَءُوا بِإِبْرَاهِيمَ، فَسَأَلُوهُ عَنْهَا فَلَمْ يَكُنْ عِنْدَهُ مِنْهَا عِلْمٌ، فَسَأَلُوا مُوسَى، فَلَمْ يَكُنْ عِنْدَهُ مِنْهَا عِلْمٌ، فَرُدُّوا الْحَدِيثَ إِلَى عِيسَى فَقَالَ: عَهِدَ اللَّهُ إِلَيَّ فِيمَا دُونَ وَجْبَتِهَا، فَأَمَّا وَجْبَتُهَا فَلَا يَعْلَمُهَا إِلَّا اللَّهُ، فَذَكَرَ مِنْ خُرُوجِ الدَّجَّالِ فَأَهْبِطُ فَأَقْتُلُهُ، فَيَرْجِعُ النَّاسُ إِلَى بِلَادِهِمْ، فَيَسْتَقْبِلُهُمْ يَأْجُوجُ وَمَأْجُوجُ، وَهُمْ مِنْ كُلِّ حَدَبٍ يَنْسِلُونَ، لَا يَمُرُّونَ بِمَاءٍ إِلَّا شَرِبُوهُ وَلَا بِشَيْءٍ إِلَّا أَفْسَدُوهُ، فَيَجْأَرُونَ إِلَيَّ فَأَدْعُوا اللَّهَ فَيُمِيتُهُمْ، فَتَجْوَى الْأَرْضُ مِنْ رِيحِهِمْ فَأَدْعُوا اللَّهَ أَنْ يُرْسِلَ السَّمَاءَ فَتَحْمِلَ أَجْسَامَهُمْ فَتُلْقِيَهَا فِي الْبَحْرِ، ثُمَّ تُنْسَفُ الْجِبَالُ، وَتُمَدُّ الْأَرْضُ مَدَّ الْأَدِيمِ، فَعَهِدَ اللَّهُ تبارك وتعالى إِلَيَّ أَنَّهُ إِذَا كَانَ ذَلِكَ أَنَّ السَّاعَةَ مِنَ النَّاسِ كَالْحَامِلِ الْمُتِمِّ، لَا يَدْرِي أَهْلُهَا مَتَى تَفْجَؤُهُمْ بِوِلَادِهَا لَيْلًا أَوْ نَهَارًا "، قَالَ الْعَوَّامُ: فَوَجَدْتُ تَصْدِيقَ ذَلِكَ فِي كِتَابِ اللَّهِ ثُمَّ قَرَأَ: {حَتَّى إِذَا فُتِحَتْ يَأْجُوجُ وَمَأْجُوجُ} [الأنبياء: 96]

سیدنا عبداللہ رضی اللہ عنہ سے روایت ہے کہ ”جس رات رسول اللہ ﷺ کو سیر کرائی گئی (شبِ معراج)، آپ کی ملاقات سیدنا ابراہیم، سیدنا موسیٰ اور سیدنا عیسیٰ علیہم السلام سے ہوئی، ان سب نے باہم قیامت کے برپا ہونے کے وقت کے متعلق تبادلہ خیال کیا۔ انہوں نے پہلے سیدنا ابراہیم علیہ السلام سے دریافت کیا تو ان کے پاس اس کا کوئی علم نہ تھا، پھر انہوں نے سیدنا موسیٰ علیہ السلام سے سوال کیا تو ان کے پاس بھی اس کا علم نہ تھا۔ تب بات سیدنا عیسیٰ علیہ السلام کی طرف لوٹائی گئی تو انہوں نے فرمایا: قیامت کے واقع ہونے سے پہلے کے کچھ امور کے متعلق تو اللہ نے مجھے خبر دی ہے، لیکن اس کے برپا ہونے کے اصل وقت کو اللہ کے سوا کوئی نہیں جانتا۔ پھر انہوں نے دجال کے خروج کا تذکرہ کیا کہ میں نازل ہو کر اسے قتل کر دوں گا، پھر لوگ اپنے شہروں کی طرف لوٹیں گے تو ان کا سامنا یاجوج و ماجوج سے ہوگا جو ﴿مِنْ كُلِّ حَدَبٍ يَنْسِلُونَ﴾ یعنی ہر بلندی سے دوڑتے ہوئے نکل پڑیں گے۔ وہ جس پانی پر سے گزریں گے اسے پی جائیں گے اور جس چیز پر سے گزریں گے اسے تباہ و برباد کر دیں گے۔ لوگ میرے حضور فریاد کریں گے تو میں اللہ سے دعا کروں گا اور اللہ انہیں ہلاک کر دے گا، جس کی وجہ سے زمین ان کی بدبو سے تعفن زدہ ہو جائے گی۔ پھر میں اللہ سے دعا کروں گا تو وہ آسمان سے پانی برسائے گا جو ان کے اجسام کو اٹھا کر سمندر میں پھینک دے گا۔ پھر پہاڑ ریزہ ریزہ کر دیے جائیں گے اور زمین کو چمڑے کی طرح کھینچ کر پھیلا دیا جائے گا۔ پس اللہ تبارک و تعالیٰ نے مجھ سے یہ عہد فرمایا ہے کہ جب یہ علامات ظاہر ہو جائیں گی تو قیامت لوگوں کے لیے اس حاملہ عورت کی مانند ہوگی جس کی مدتِ حمل پوری ہو چکی ہو، اس کے گھر والے نہیں جانتے کہ وہ انہیں کب اچانک ولادت کی خبر سے چونکا دے، رات کو یا دن کو۔“ العوام رحمہ اللہ نے کہا کہ میں نے اس بات کی تصدیق اللہ کی کتاب میں پائی، پھر انہوں نے یہ آیت تلاوت فرمائی: ﴿حَتَّى إِذَا فُتِحَتْ يَأْجُوجُ وَمَأْجُوجُ﴾۔