مسند أبي يعلى الموصلي

حَدَّثَنَا سُوَيْدُ بْنُ سَعِيدٍ، حَدَّثَنَا زَكَرِيَّا بْنُ عَبْدِ اللَّهِ بْنِ يَزِيدَ الصُّهْبَانِيُّ، عَنْ عَبْدِ الْمُؤْمِنِ، عَنْ أَبِي الْمُغِيرَةِ، عَنْ عَلِيٍّ، قَالَ: طَلَبَنِي رَسُولُ اللَّهِ صلى الله عليه وسلم فَوَجَدَنِي فِي جَدْوَلٍ نَائِمًا، فَقَالَ: «قُمْ مَا أَلُومُ النَّاسَ يُسَمُّونَكَ أَبَا تُرَابٍ»، قَالَ: فَرَأَى كَأَنِّي وَجَدْتُ فِي نَفْسِي مِنْ ذَلِكَ، فَقَالَ: «قُمْ فَوَاللَّهِ لَأُرْضِيَنَّكَ، أَنْتَ أَخِي، وَأَبُو وَلَدَيَّ، تُقَاتِلُ عَنْ سُنَّتِي، وَتُبْرِئُ ذِمَّتِي مَنْ مَاتَ فِي عَهْدِي فَهُوَ كَنْزُ اللَّهِ، وَمَنْ مَاتَ فِي عَهْدِكَ فَقَدْ قَضَى نَحْبَهُ، وَمَنْ مَاتَ يُحِبُّكَ بَعْدَ مَوْتِكَ خَتَمَ اللَّهُ لَهُ بِالْأَمْنِ وَالْإِيمَانِ، مَا طَلَعَتِ الشَّمْسُ أَوْ غَرَبَتْ، وَمَنْ مَاتَ يُبْغِضُكَ مَاتَ مِيتَةً جَاهِلِيَّةً، وَحُوسِبَ بِمَا عَمِلَ فِي الْإِسْلَامِ»

سیدنا علی رضی اللہ عنہ سے روایت ہے کہ انہوں نے بیان فرمایا کہ رسول اللہ ﷺ نے مجھے تلاش کیا تو مجھے ایک نالے میں سوتے ہوئے پایا، تو آپ ﷺ نے ارشاد فرمایا: ”اٹھو! میں لوگوں کو ملامت نہیں کرتا کہ وہ تمہیں ’ابوتراب‘ پکارتے ہیں“، سیدنا علی رضی اللہ عنہ فرماتے ہیں کہ آپ ﷺ نے محسوس فرمایا کہ گویا میں نے اس بات کا اثر لیا ہے (یعنی مجھے برا لگا ہے)، تو آپ ﷺ نے ارشاد فرمایا: ”اٹھو! پس اللہ کی قسم، میں تمہیں ضرور خوش کر دوں گا، تم میرے بھائی ہو اور میرے دو بیٹوں کے باپ ہو، تم میری سنت کے تحفظ کے لیے قتال کرو گے اور میری ذمہ داریوں کو پورا کرو گے، جو شخص میری زندگی کے عہد میں فوت ہوا وہ اللہ کا خزانہ ہے، اور جو تمہارے عہد میں فوت ہوا اس نے ﴿قَضَىٰ نَحْبَهُ﴾ (اپنی نذر یا مدتِ حیات پوری کر لی)، اور جو شخص تمہاری وفات کے بعد تم سے محبت کی حالت میں مرا، اللہ تعالیٰ اس کا خاتمہ امن اور ایمان پر فرمائے گا جب تک سورج طلوع یا غروب ہوتا رہے گا، اور جو شخص تم سے بغض کی حالت میں مرا وہ جاہلیت کی موت مرا اور اس سے ان اعمال کا بھی حساب لیا جائے گا جو اس نے حالتِ اسلام میں کیے تھے۔“