مسند أبي يعلى الموصلي

حَدَّثَنَا أَبُو خَيْثَمَةَ، حَدَّثَنَا جَرِيرٌ، عَنْ يَحْيَى الْجَابِرِ، عَنْ أَبِي مَاجِدَةَ، عَنْ عَبْدِ اللَّهِ أَنَّهُ أَنْشَأَ يُحَدِّثُ قَالَ: إِنَّ أَوَّلَ رَجُلٍ قُطِعَ مِنَ الْمُسْلِمِينَ - أَوْ فِي الْمُسْلِمِينَ - رَجُلٌ مِنَ الْأَنْصَارِ، أُتِيَ بِهِ النَّبِيَّ صلى الله عليه وسلم، فَقِيلَ: سَرَقَ، فَقَالَ: «اذْهَبُوا بِصَاحِبِكُمْ فَاقْطَعُوهُ»، فَكَأَنَّمَا أُسْفِيَ وَجْهُ رَسُولِ اللَّهِ صلى الله عليه وسلم رَمَادًا، فَقَالَ لَهُ بَعْضُ جُلَسَائِهِ: كَأَنَّ هَذَا قَدْ شَقَّ عَلَيْكَ يَا رَسُولَ اللَّهِ؟ قَالَ: «وَمَا يَنْبَغِي أَنْ تَكُونُوا أَعْوَانًا لِلشَّيْطَانِ أَوْ لِإِبْلِيسَ، إِنَّهُ لَا يَنْبَغِي لِوَالِي أَمْرٍ أَنْ يُؤْتَى بِحَدٍّ إِلَّا أَقَامَهُ، وَاللَّهُ عَفْوٌ يُحِبُّ الْعَفْوَ، ثُمَّ قَرَأَ هَذِهِ الْآيَةَ»: {وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ} [النور: 22]

سیدنا عبداللہ رضی اللہ عنہ سے روایت ہے کہ انہوں نے بیان فرمایا کہ ”مسلمانوں میں سب سے پہلے جس شخص کا ہاتھ کاٹا گیا وہ انصار کا ایک آدمی تھا، اسے نبی کریم ﷺ کی خدمت میں لایا گیا اور بتایا گیا کہ اس نے چوری کی ہے، تو آپ ﷺ نے ارشاد فرمایا: ”اپنے اس ساتھی کو لے جاؤ اور اس کا ہاتھ کاٹ دو“، (یہ حکم دینے کے بعد) رسول اللہ ﷺ کے چہرہ مبارک کا رنگ رنج و ملال کی شدت سے اس طرح متغیر ہو گیا گویا اس پر راکھ ڈال دی گئی ہو، آپ ﷺ کے پاس بیٹھے ہوئے ایک شخص نے عرض کیا: اے اللہ کے رسول! ایسا لگتا ہے کہ یہ معاملہ آپ پر بہت گراں گزرا ہے؟ آپ ﷺ نے ارشاد فرمایا: ”اور تمہیں شیطان یا ابلیس کا مددگار نہیں بننا چاہیے، بلاشبہ کسی بھی صاحبِ امر (حاکم) کے لیے یہ مناسب نہیں ہے کہ اس کے پاس حد کا کوئی معاملہ لایا جائے اور وہ اسے نافذ نہ کرے، جبکہ اللہ تعالیٰ خود درگزر کرنے والا ہے اور درگزر کو پسند فرماتا ہے“، پھر آپ ﷺ نے یہ آیت تلاوت فرمائی: ﴿وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ﴾ ”اور انہیں چاہیے کہ وہ معاف کریں اور درگزر کریں، کیا تم یہ نہیں چاہتے کہ اللہ تمہاری مغفرت فرمائے؟“۔“