مسند أبي يعلى الموصلي

وَعَنِ الْأَعْمَشِ ، عَنْ عُمَارَةَ بْنِ عُمَيْرٍ ، عَنِ الْحَارِثِ بْنِ سُوَيْدٍ ، حَدَّثَنَا عَبْدُ اللهِ حَدِيثَيْنِ : أَحَدَهُمَا عَنْ رَسُولِ اللهِ - صَلَّى اللهُ عَلَيْهِ وَسَلَّمَ - ، وَالْآخَرَ عَنْ نَفْسِهِ ، قَالَ : إِنَّ الْمُؤْمِنَ يَرَى ذُنُوبَهُ كَأَنَّهُ قَاعِدٌ تَحْتَ جَبَلٍ يَخَافُ أَنْ يَقَعَ عَلَيْهِ ، وَإِنَّ الْفَاجِرَ لَيَرَى ذُنُوبَهُ كَذُبَابٍ مَرَّ عَلَى أَنْفِهِ قَالَ لَهُ هَكَذَا .
قَالَ : وَقَالَ : لَلَّهُ أَفْرَحُ بِتَوْبَةِ الْعَبْدِ مِنْ رَجُلٍ نَزَلَ بِدَوِّيَّةٍ مَهْلَكَةٍ عَلَيْهِ ، مَعَهُ رَاحِلَتُهُ عَلَيْهَا طَعَامُهُ وَشَرَابُهُ فَوَضَعَ رَأْسَهُ فَنَامَ نَوْمَةً فَاسْتَيْقَظَ وَقَدْ ذَهَبَتْ رَاحِلَتُهُ عَلَيْهَا طَعَامُهُ وَشَرَابُهُ ، فَانْطَلَقَ فِي طَلَبِهَا حَتَّى اشْتَدَّ عَلَيْهِ الْعَطَشُ أَوِ الْجُوعُ - أَبُو شِهَابٍ شَكَّ - قَالَ : أَرْجِعُ إِلَى مَكَانِي فَأَمُوتُ فِيهِ ، فَرَجَعَ إِلَى مَكَانِهِ فَوَضَعَ رَأْسَهُ فَاسْتَيْقَظَ فَإِذَا هُوَ بِرَاحِلَتِهِ عِنْدَهُ ، وَعَلَيْهَا طَعَامُهُ وَشَرَابُهُ .

الحارث بن سوید رحمہ اللہ بیان کرتے ہیں کہ سیدنا عبداللہ بن مسعود رضی اللہ عنہ نے ہمیں دو حدیثیں بیان کیں، جن میں سے ایک رسول اللہ ﷺ سے مروی تھی اور دوسری ان کا اپنا قول تھا، انہوں نے فرمایا: ”بے شک مومن اپنے گناہوں کو ایسا محسوس کرتا ہے گویا وہ کسی پہاڑ کے نیچے بیٹھا ہو اور اسے یہ دھڑکا لگا ہو کہ کہیں وہ پہاڑ اس پر آن گرے گا، جبکہ بدکار اور فاجر شخص اپنے گناہوں کو اس مکھی کی طرح معمولی سمجھتا ہے جو اس کی ناک کے پاس سے گزری اور اس نے ہاتھ کے اشارے سے اسے یوں اڑا دیا“۔ نیز آپ ﷺ نے فرمایا: ”اللہ تعالیٰ اپنے بندے کی توبہ پر اس شخص سے بھی زیادہ خوش ہوتا ہے جو کسی ہلاکت خیز بیابان میں اترا، اس کے ساتھ اس کی سواری تھی جس پر اس کا کھانا اور پانی لدا ہوا تھا، اس نے سر رکھا اور سو گیا، جب بیدار ہوا تو اس کی سواری کھانے پانی سمیت جا چکی تھی، وہ اس کی تلاش میں نکلا یہاں تک کہ اس پر پیاس یا بھوک کی شدت طاری ہو گئی - (یہ شک راوی ابو شہاب رحمہ اللہ کو ہے) - تو اس نے کہا: میں اپنی جگہ واپس جاتا ہوں اور وہیں مر جاؤں گا، چنانچہ وہ اپنی جگہ لوٹ آیا اور سر رکھ کر (لیٹ گیا)، پھر جب بیدار ہوا تو کیا دیکھتا ہے کہ اس کی سواری اس کے پاس موجود ہے اور اس پر اس کا کھانا اور پانی بھی ہے۔“