مسند أبي يعلى الموصلي

حَدَّثَنَا عَبْدُ اللهِ بْنُ الرُّومِيِّ ، حَدَّثَنَا أَبُو أُسَامَةَ ، عَنْ هِشَامٍ ، عَنْ أَبِيهِ ، عَنْ عَائِشَةَ قَالَتْ : كَانَ رَسُولُ اللهِ - صَلَّى اللهُ عَلَيْهِ وَسَلَّمَ - يُحِبُّ الْحَلْوَاءَ وَالْعَسَلَ ، فَكَانَ إِذَا صَلَّى الْعَصْرَ ، دَارَ عَلَى نِسَائِهِ فَيَدْنُو مِنْهُنَّ ، فَدَخَلَ عَلَى حَفْصَةَ ، فَاحْتَبَسَ عِنْدَهَا أَكْثَرَ مِمَّا كَانَ يَحْتَبِسُ ، فَسَأَلْتُ عَنْ ذَلِكَ ، فَقِيلَ لِي : أَهْدَتْ لَهَا امْرَأَةٌ مِنْ قَوْمِهَا عُكَّةَ عَسَلٍ ، فَسَقَتِ النَّبِيَّ شَرْبَةً ، فَقُلْتُ : أَمَا وَاللهِ ، لَنَحْتَالَنَّ لَهُ ، فَذَكَرْتُ ذَلِكَ لِسَوْدَةَ ، قُلْتُ : إِذَا دَخَلَ عَلَيْكِ فَإِنَّهُ سَيَدْنُو ، فَقُولِي لَهُ : يَا رَسُولَ اللهِ ، أَكَلْتَ مَغَافِيرَ ؟ فَإِنَّهُ سَيَقُولُ لَكِ : سَقَتْنِي حَفْصَةُ شَرْبَةَ عَسَلٍ ، فَقُولِي لَهُ : جَرَسَتْ نَحْلُهُ الْعُرْفُطَ ، وَسَأَقُولُ ذَلِكَ لَهُ ، وَقُولِي أَنْتِ يَا صَفِيَّةُ ، فَلَمَّا دَخَلَ عَلَى سَوْدَةَ ، قَالَتْ : تَقُولُ سَوْدَةُ : وَاللهِ الَّذِي لَا إِلَهَ إِلَّا هُوَ ، لَقَدْ ذَكَرْتُ أَنْ أُبَادِئَهُ بِالَّذِي قُلْتِ ، وَإِنَّهُ لَعَلَى الْبَابِ فَرَقًا مِنْكِ .
فَلَمَّا دَنَا ، قَالَتْ : يَا رَسُولَ اللهِ ، أَكَلْتَ مَغَافِيرَ ؟ قَالَ : لَا ، قُلْتُ : مَا هَذِهِ الرِّيحُ ؟ قَالَ : سَقَتْنِي حَفْصَةُ شَرْبَةَ عَسَلٍ ، قَالَتْ : قُلْتُ : جَرَسَتْ نَحْلُهُ الْعُرْفُطَ ، فَلَمَّا دَخَلَ عَلَيَّ ، قُلْتُ لَهُ مِثْلَ ذَلِكَ ، ثُمَّ دَخَلَ عَلَى صَفِيَّةَ ، فَقَالَتْ لَهُ مِثْلَ ذَلِكَ ، فَلَمَّا دَخَلَ عَلَى حَفْصَةَ ، قَالَتْ : يَا رَسُولَ اللهِ ، أَسْقِيكَ ؟ قَالَ : لَا حَاجَةَ لِي بِهِ قَالَ : تَقُولُ سَوْدَةُ : سُبْحَانَ اللهِ لَقَدْ حَرَمْنَاهُ ، قَالَتْ : قُلْتُ : اسْكُتِي .

سیدہ عائشہ رضی اللہ عنہا سے روایت ہے کہ ”رسول اللہ ﷺ حلوہ اور شہد پسند فرماتے تھے، اور آپ ﷺ کا معمول تھا کہ جب عصر کی نماز پڑھ لیتے تو اپنی ازواجِ مطہرات کے پاس تشریف لے جاتے اور ان سے قریب ہوتے، ایک مرتبہ آپ ﷺ سیدہ حفصہ رضی اللہ عنہا کے پاس تشریف لے گئے اور وہاں معمول سے زیادہ دیر تک ٹھہر گئے، میں نے اس کے بارے میں دریافت کیا تو مجھے بتایا گیا کہ ان کی قوم کی ایک خاتون نے انہیں شہد کی ایک کپی ہدیہ کی تھی، چنانچہ انہوں نے نبی کریم ﷺ کو اس کا شربت پلایا ہے، میں نے (اپنے جی میں) کہا: اللہ کی قسم! ہم اس شہد کے معاملے میں ضرور کوئی تدبیر کریں گی، چنانچہ میں نے اس کا ذکر سیدہ سودہ رضی اللہ عنہا سے کیا اور ان سے کہا کہ جب آپ ﷺ تمہارے پاس تشریف لائیں اور تمہارے قریب ہوں تو تم ان سے کہنا کہ اے اللہ کے رسول! کیا آپ نے مغافیر (ایک قسم کا بدبودار گوند) کھایا ہے؟ تو وہ آپ سے کہیں گے کہ ”مجھے حفصہ نے شہد کا شربت پلایا ہے“، تب تم کہنا کہ شاید اس کی مکھی نے عرفط (بدبودار جھاڑی) کا رس چوسا ہوگا، اور میں بھی آپ ﷺ سے یہی کہوں گی اور اے صفیہ رضی اللہ عنہا! تم بھی یہی کہنا۔ سیدہ سودہ رضی اللہ عنہا بیان کرتی ہیں کہ «وَاللَّهِ الَّذِي لَا إِلَهَ إِلَّا هُوَ» ”قسم ہے اس اللہ کی جس کے سوا کوئی معبود نہیں“ تمہارے رعب کی وجہ سے میرا یہ حال تھا کہ جب آپ ﷺ ابھی دروازے ہی پر پہنچے تھے تو میرا جی چاہا کہ وہی بات کہہ دوں جو تم نے کہی تھی، پھر جب آپ ﷺ ان کے قریب ہوئے تو انہوں نے عرض کی: اے اللہ کے رسول! کیا آپ نے مغافیر کھایا ہے؟ آپ ﷺ نے فرمایا: ”نہیں“، انہوں نے عرض کی: پھر یہ کیسی بو ہے؟ آپ ﷺ نے فرمایا: ”مجھے حفصہ نے شہد کا شربت پلایا تھا“، انہوں نے کہا: پھر شاید اس کی مکھی نے عرفط کا رس چوسا ہوگا۔ پھر جب آپ ﷺ میرے پاس تشریف لائے تو میں نے بھی آپ ﷺ سے اسی طرح کی بات کہی، پھر جب سیدہ صفیہ رضی اللہ عنہا کے پاس گئے تو انہوں نے بھی یہی کہا، اس کے بعد جب آپ ﷺ دوبارہ سیدہ حفصہ رضی اللہ عنہا کے ہاں تشریف لے گئے تو انہوں نے عرض کی: اے اللہ کے رسول! کیا میں آپ کو وہ شربت نہ پلاؤں؟ آپ ﷺ نے فرمایا: ”مجھے اس کی اب کوئی حاجت نہیں ہے“۔ سیدہ سودہ رضی اللہ عنہا کہتی ہیں کہ (یہ دیکھ کر) میں نے کہا: «سُبْحَانَ اللَّهِ» ”اللہ پاک ہے“ ہم نے تو آپ ﷺ کو اس شہد سے محروم کر دیا، تو میں (عائشہ) نے ان سے کہا: ابھی خاموش رہو۔“