مسند أبي يعلى الموصلي

حَدَّثَنَا هَارُونُ بْنُ مَعْرُوفٍ ، حَدَّثَنَا ابْنُ وَهْبٍ ، حَدَّثَنِي عَبْدُ اللهِ بْنُ عُمَرَ ، عَنْ أَبِي النَّضْرِ ، عَنْ أَبِي سَلَمَةَ ، عَنْ عَائِشَةَ : أَنَّ رَسُولَ اللهِ - صَلَّى اللهُ عَلَيْهِ وَسَلَّمَ - خَرَجَ لَيْلَةً مِنْ رَمَضَانَ إِلَى الْمَسْجِدِ بَعْدَ الْعِشَاءِ فَصَلَّى ، فَرَآهُ نَاسٌ فَصَلَّوْا بِصَلَاتِهِ ، فَلَمَّا كَانَتِ الثَّانِيَةُ خَرَجَ أَيْضًا ، فَرَآهُ النَّاسُ فَثَابُوا وَكَبَّرُوا وَصَلَّوْا بِصَلَاتِهِ ، فَلَمَّا كَانَتِ اللَّيْلَةُ الثَّالِثَةُ مُلِئَ الْمَسْجِدُ ، فَلَمْ يَخْرُجْ عَلَيْهِمْ رَسُولُ اللهِ - صَلَّى اللهُ عَلَيْهِ وَسَلَّمَ - فَجَعَلُوا كَأَنَّهُمْ يُؤْذِنُونَهُ لِيَخْرُجَ إِلَيْهِمْ ، فَقَالَ : يَا عَائِشَةُ ، مَا بَالُ النَّاسِ ؟ فَقُلْتُ : يَا رَسُولَ اللهِ ، صَلَّوْا مَعَكَ هَاتَيْنِ اللَّيْلَتَيْنِ ، فَأَحَبُّوا أَنْ تَخْرُجَ إِلَيْهِمْ ، ثُمَّ خَرَجَ إِلَيْهِمْ ، فَقَالَ : أَيُّهَا النَّاسُ ، عَلَيْكُمْ مِنَ الْأَعْمَالِ مَا تُطِيقُونَ ، فَإِنَّ اللهَ لَا يَمَلُّ حَتَّى تَمَلُّوا ، وَإِنَّ أَحَبَّ الْأَعْمَالِ إِلَى اللهِ دَوْمُهَا وَإِنْ قَلَّ ، مَا زِلْتُمْ حَتَّى خَشِيتُ أَنْ تُكْتَبَ عَلَيْكُمْ .
قَالَتْ عَائِشَةُ : فَكَانَ رَسُولُ اللهِ - صَلَّى اللهُ عَلَيْهِ وَسَلَّمَ - يُصَلِّي إِحْدَى عَشْرَةَ قَائِمًا ، وَرَكْعَتَيْنِ جَالِسًا ، فَإِذَا أَرَادَ أَنْ يَرْكَعَ قَامَ فَقَرَأَ ، ثُمَّ رَكَعَ ، ثُمَّ يُوتِرُ بِوَاحِدَةٍ .
قَالَ أَبُو سَلَمَةَ : فَقُلْتُ : كَيْفَ كَانَتْ صَلَاتُهُ فِي شَهْرِ رَمَضَانَ ؟ قَالَتْ : مَا كَانَ يَزِيدُ فِي شَهْرِ رَمَضَانَ عَلَى هَذَا .

سیدہ عائشہ رضی اللہ عنہا سے روایت ہے کہ رسول اللہ ﷺ رمضان کی ایک رات عشاء کے بعد مسجد کی طرف تشریف لے گئے اور وہاں نماز ادا فرمائی، تو لوگوں نے آپ ﷺ کو دیکھا اور آپ ﷺ کی اقتداء میں نماز پڑھی، جب دوسری رات ہوئی تو آپ ﷺ پھر تشریف لائے، لوگوں نے دیکھا تو وہ کثرت سے جمع ہو گئے، تکبیر کہی اور آپ ﷺ کے ساتھ نماز ادا کی، پھر جب تیسری رات آئی تو مسجد (لوگوں سے) بھر گئی مگر رسول اللہ ﷺ ان کے پاس باہر تشریف نہ لائے، چنانچہ لوگ آپ ﷺ کو متوجہ کرنے لگے تاکہ آپ ﷺ باہر تشریف لائیں، تو آپ ﷺ نے دریافت فرمایا: ”اے عائشہ! لوگوں کا کیا حال ہے؟“ میں نے عرض کیا: اے اللہ کے رسول ﷺ! انہوں نے گزشتہ دو راتیں آپ کے ساتھ نماز پڑھی تھی، اس لیے وہ چاہتے ہیں کہ آپ ﷺ ان کی طرف باہر تشریف لائیں، پھر آپ ﷺ ان کی طرف تشریف لائے اور فرمایا: ”اے لوگو! تم اتنے ہی اعمال اختیار کرو جتنے کی تم میں استطاعت ہو، کیونکہ اللہ تعالیٰ نہیں اکتاتا یہاں تک کہ تم خود اکتا جاؤ، اور اللہ عزوجل کے ہاں پسندیدہ ترین عمل وہ ہے جس پر دوام اختیار کیا جائے اگرچہ وہ مقدار میں کم ہی کیوں نہ ہو۔ تم مسلسل اس (عمل) پر ڈٹے رہے یہاں تک کہ مجھے اندیشہ ہوا کہ کہیں یہ تم پر فرض نہ کر دیا جائے۔“ سیدہ عائشہ رضی اللہ عنہا بیان کرتی ہیں کہ رسول اللہ ﷺ کھڑے ہو کر گیارہ رکعات اور بیٹھ کر دو رکعات پڑھتے تھے، اور جب آپ ﷺ رکوع کا ارادہ فرماتے تو کھڑے ہو کر (کچھ) تلاوت کرتے پھر رکوع فرماتے، پھر ایک رکعت کے ساتھ وتر ادا کرتے تھے۔ ابو سلمہ رحمہ اللہ کہتے ہیں کہ میں نے (سیدہ عائشہ رضی اللہ عنہا سے) پوچھا: رمضان المبارک میں آپ ﷺ کی نماز کیسی ہوتی تھی؟ تو انہوں نے فرمایا: ”آپ ﷺ رمضان کے مہینے میں بھی ان (رکعات) سے زیادہ نہیں پڑھتے تھے۔“