مسند أبي يعلى الموصلي

حَدَّثَنَا أَبُو الرَّبِيعِ ، حَدَّثَنَا حَمَّادٌ ، حَدَّثَنَا هِشَامٌ ، عَنْ أَبِيهِ ، عَنْ عَائِشَةَ ، أَنَّ أَخَا أَبِي قُعَيْسٍ ، اسْتَأْذَنَ عَلَيْهَا فَأَبَتْ أَنْ تَأْذَنَ لَهُ ، فَذَكَرَتْ ذَلِكَ لِلنَّبِيِّ - صَلَّى اللهُ عَلَيْهِ وَسَلَّمَ - فَقَالَ : إِنَّهُ عَمُّكِ فَأَدْخِلِيهِ ، فَقَالَتْ : يَا رَسُولَ اللهِ ، إِنَّمَا أَرْضَعَتْنِي الْمَرْأَةُ وَلَمْ يُرْضِعِ الرَّجُلُ ؟ قَالَ : إِنَّهُ عَمُّكِ فَأَدْخِلِيهِ .

سیدہ عائشہ رضی اللہ عنہا سے روایت ہے کہ سیدنا ابوقُعیس رضی اللہ عنہ کے بھائی نے ان کے پاس حاضر ہونے کی اجازت چاہی تو انہوں نے انہیں اجازت دینے سے انکار کر دیا، پھر انہوں نے اس بات کا ذکر نبی کریم ﷺ سے کیا تو آپ ﷺ نے ارشاد فرمایا: ”وہ تمہارے چچا ہیں، لہٰذا انہیں اندر آنے دو“، انہوں نے عرض کی کہ اے اللہ کے رسول! مجھے تو محض اس عورت نے دودھ پلایا ہے، اس مرد نے تو دودھ نہیں پلایا، آپ ﷺ نے پھر ارشاد فرمایا: ”وہ تمہارے چچا ہیں، انہیں داخل ہونے کی اجازت دے دو۔“